關於毅進一問?

✔ 最佳答案

而家停辦QKT課程，全面提昇幼師資格，入職前要有CE(幼兒教育高級文憑)

而家提昇幼師學歷，由下個學期起，職前學員要修畢高級文憑(CE)才能入職，你只有二科合格，抱歉未能達到要求，你今年讀毅進既幼兒教育課程，睇下你有冇機會給教院取錄你讀幼兒課程喇，得2、3個位，機會好微。但如果你冇HKCEE五科合格，讀毅進有幫助既，起碼找工作會易d。
幼兒工作員是於0-2歲的幼兒學校/幼兒中心工作而註冊的；而幼稚園教師是於3-6歲的幼稚園工作而註冊的，兩者一定要接受職前培訓才可受聘。

協調學前服務實施以來，讀完認可的幼兒課程後，可同時註冊幼兒工作員及幼稚園教師。

而家所有從事幼兒工作的人士，全部於職前讀畢有關認可課程才能擔當，一定要中五會考考獲5科合格(包括中英文科)，經過面試合格，才能獲有關院校取錄修讀幼兒教育証書(CE)課程或QKT合格幼稚園教師訓練課程。報讀QKT課程不會有年齡限制，不過，報讀人數眾多，而家好多16、7歲年輕人文武雙全，或會競爭。而且，做幼師呢行，做到40來歲已out。

你一定考會考，考獲5科合格才可報讀。或等同毅進課程，毅進要10科合格等同HKCEE5科合格

在會考不多於2次，必須要有hkcee5科合格(包括中英文)，就可報讀幼兒課程，就算剛剛有5科合格，都好難競爭，IED、IVE一般收生都8分以上，你要預左，成績差一點，讀浸會三年制高級文憑會好d。(我以前讀浸會是兼讀的，同而家唔同，唔知而家浸會既面試點，因為只開辦左2年)

出路建議：試下找份幼兒助理的工作(唔知請唔請)，累積1年經驗，才報讀QKT訓練，(仲要同其他人爭)，起碼都2-3年；如果樓主的家庭狀況唔好，等錢駛，要你養家，建議樓主三思讀幼兒課程，因為，教統局提昇幼師，將來新入職要有CE，你兩年後得QKT，都好難爭(而家都好多持CE)，而且，做助理月薪得果$5000度，有d得$3000，普通文員都唔止，不過，對教育有熱誠而喜歡幼兒，但不是養起頭家果隻，就可實踐理想。

學埋鋼琴(至少三級)、急救、舞蹈、普通話、會話英文、設計、烹飪、人際關係溝通課程，就更易係幼教界立足。(不過唔好半桶水喎)

除非你在學業以外有突出的表現，如舞蹈、鋼琴或懂演奏不同樂器、語言、領導才能等等。

完成ive3年制幼兒教育課程、浸大課程、教院CE課程，即可註冊為幼師及幼兒工作員，等同IED的CE課程。

恕我直言，如果你真的做一位專業的幼師，就要考好個會考，而家要QKT/CE學歷，遲d要幼兒教育學士架。如果你會考都係得7、8分以下，勸閣下死心唔好讀幼兒課程入職幼師。

希望你能考獲會考5科合格或以上兼11分以上，於IVE/IED讀高級文憑(CE)，仲要係成功取錄你，若然不，勸閣下死心、認命啦。

總括而言，出生率低是大勢所趨，整個教育界前景唔明朗，有d係幼兒教育界做了10年以上的經驗老師也黯然離開。(本人有識既浸會同學的情景)，如果真係屋企要你賺錢養家，幼兒教育不是你的選擇。

聽之前的同工講，07-08年後會全面請CE學歷的幼師

不過，過幾年後，你手持QKT已不再是本錢，請既機會比CE低得多。

如果只是為興趣，公開大學兒童心理學文憑、
中大校外學院既幼兒體能活動導師文憑課程、→link：http://www.scs.cuhk. edu.hk/scs/course/so c/soc/ab/doc/062-705 000-02?disp=ch

幼兒教育證書課程（遙距課程 )→ http://www.scs.cuhk. edu.hk/scs/course/so c/soc/ab/doc/063-716 000-02?disp=ch
兒童遊戲應用證書課程→http://www.scs.cuhk. edu.hk/scs/course/so c/soc/ab/doc/063-726 000-03?disp=ch
上述課程不等同QKT/CE課程，不可以註冊成為幼稚園教師/幼兒工作員

教院既CE課程的最低入學要求是：HKCEE6科合格或以上兼6科總積點11分以上
教院既1年全日制QKT也是一定要英文(課程乙E級或課程甲C級)合格才可讀。
-------------------- -------------------- -------------------- -------------------- ----------------

唔識彈琴係咪冇咁大機會請架? →識唔識彈琴同請唔請幼師，並無關係的，只不過識彈琴是多一種技能本錢；況且，有8級鋼琴甚至diploma去做幼師的大有人在。(本人以前既同工大部份有5級以上鋼琴)

做幼師最好十八般武藝，乜都要識。有芭蕾就更好，至少識排舞。
你要預左幼教界人工未必會跟政府point，大多數園收生不足，或會要老師半日工作。(基本上，全日工作、半日人工----8am-3pm，大約$5000-$6000以上)
幼教界不是行外人想像中輕鬆，超辛苦。

以下是各院校的幼兒教育認可課程的資料：

浸大課程：(幼兒教育高級文憑)
http://www.sce.hkbu. edu.hk/pgm/by_pgm/da y/eceday/day_intro.h tm(三年職前全日制)

教院課程：(合格幼稚園訓練課程及幼兒教育証書)
http://www.ied.edu.h k/acadprog/ece/prog/ c_index.html(三年職前及一年全日制)

李惠利課程：(幼兒教育高級文憑)
http://www.vtc.edu.h k/iveadmissions/chi/ glance.php?action_ty pe=detail&course _id=93&level=2&a mp;a mp;amp;amp;amp;amp;a mp;amp;amp;amp;glanc e=5 (三年職前全日制

當幼師，如果係私校做，間私校budget有限，分分鐘要要貼錢做教材、買教材、又要進修，養家，都冇乜錢剩；如果仲要供樓，一句：唉！

試過做開放日，星期六、日要返工，仲要由早上返到晚上11時，d野做極都做唔完。
(開放日、帶小朋友表演已是家常便飯)

而家所有入職的幼兒工作員，已於職前完成修讀有關認可幼兒課程，畢業後就正式的做幼兒工作員，已沒有或不用做見習幼兒工作員的職位，而家從事幼兒工作員/幼師，100%已受訓，職前或未受訓是不會請的；一些幼教機構也要求教學助理QKT資格。

回答 (2)