台灣自由行5日4夜~~請幫我plan下!!

第一日
預十一點前會去到台北桃園機場入埋境
之後係機場出面搭國光巴士入台北市
搭到去台北車站之後轉的士番酒店
其實係台北車站係行到過去的, 不過拎住行李就唔好啦
去到東龍之後, Check In上房放好行李
預大約一點會攪掂哂d野
之後可以去西門町行下街同埋去食野先
大約四點左右坐捷運去行101, 捷運市政府站二號出口
行完夜可以去落下FoodCourt食晚飯
再去行埋係正101斜對面的誠品旗艦店之後就坐番捷運去西門站番酒店

第二日
九點起身係酒店食早餐, 十點拎齊野就出發了....
今日可以去九份, 夜晚行夜市
去九份有兩個方法, 第一可以坐捷運去到忠孝復興站, A1出口有架巴士去金瓜石, 會經九份的, 大約80新台幣, 第二可以坐捷運去台北車站, 之後轉火車去瑞芳火車站 ,再轉的士上九份都可以的....
預十一點左右就可以上到九份了, 九份太多野睇太多野行, 我同朋友上次去, 行左三個鐘都行唔哂呢, 不過記得臨走一定要係街口食牛肉麵同豆花芋圓糖水, 好好味的, 大約可以行到大約兩點左右

之後就坐的士落番瑞芳火車站, 去番台北車站可以去一間叫做台灣故事館的行下, 係正Sogo果到, 係講台灣以前的事, 好靚的, 250新台幣一人入場, 張飛係出泥果陣可以換禮物的....禁就大約五點幾

去饒河街夜市, 坐捷運去淡水線南京東路站落, 再轉605號公車, 在饒河街口落
行完就回酒店

第三日
都係九點起身係酒店食早餐, 十點出發
會去六福村主題公園玩, 坐捷運去到台北車站轉火車去到新竹火車站, 之後係對面轉新竹客運就可以去到六福村了, 750新台幣
玩到下午大約三點就可以出番去台北車站, 之後食野, 坐捷運上淡水
行下老街買淡水特產, 七點睇埋日落就番出去了
都係坐捷運去劍潭站, 行士林夜市....
行完就可以回酒店了

第四日
都係九點起身係酒店食早餐
之後上房抖多陣, 大約十點半左右出發, 因為五分埔大約十一點先開
首先坐捷運去台北車站, 轉火車去松山火車站, 五分埔出口出, 行三分鐘就到了
行到大約兩點, 食午餐後去袖珍博物館
坐捷運木柵線去到南京東路站, 轉乘46號公車, 係建國北路口站落車
行到四點左右就去烏來浸溫泉....
建議去烏來的岸之湯, 風景不錯呢
係台北車站坐捷運去到新店站, 之後再轉烏來的公車, 係烏來總站落車就係了
浸到大約八點左右就可以搭番公車去新店站之後轉捷運去西門站番酒店了
今天係尾二一天, 早回酒店, 明天買手信呢

第五日
九點起身係酒店食早餐, 十點半左右出發
先去維格買手信, 坐捷運去到圓山站, 出了車站口一直行就到了, 大約行10分鐘
之後番西門町買老天祿, 之後番酒店執好行李
大約十二左右Check Out, d行李可以放係酒店大堂呢
如果食得辣的, 可以去試試麻辣火鍋, 店叫麻辣舖子
坐捷運到國父紀念站落車, 之後轉的士去就可以了
地址係：八德路四段22號1樓
食完之後就可以去行下微風廣場, 係捷運忠孝復興站下車行10分鐘就到了
行完六點左右就可以番酒店拎行李了
之後搭的士去台北車站, 最後坐國光巴士去機場等上機了
希望幫到你吧
可以再send e-mail問我的^^

我朋友有在10月才去了台北玩
基本上是差不多全個台北都行曬
已經send我朋友的行程表、路線圖、及交通資料給你

是4日3夜的，你可以用來參考一下^^
唔止有文字，仲有埋圖
我明年新年時是去台北5日4夜，不過是我老公開車載我去的
我也是用我朋友的這個plan來定新plan的
有問題可以問我，我1月12日就去台灣了，不過我會住在台中，新年會去台北找朋友去玩
在台北買手信要買特產"鳳梨穌"，去淡水要買"鐵蛋"
要去台北夜市的話，如果你要去夜市的話，我建議你不要去士林夜市
因為沒什麼好看的，最好是去僥河夜市，師大夜市也ok