成人學琴學更耐 ?

你既進度中規人距，由唔識到而家，(四年)已經有三級，咁是否差不多彈晒三級書呢？記住，係彈完三級書才預備練三級考試書，不是未彈完就練考試野。
既然你話進度慢，想一個月學三堂，咁咪仲慢？睇落好似上少一堂，咁其實只會拖進度，安排每月四堂見老師，是訓練自己每日練琴的紀律性，上堂覆琴給老師，作用是糾正壞習慣，如：錯技巧............，每月上三或二或一堂，見老師少左，練琴的壞習慣牢記腦中，再糾正困難了。
呢個方法，只適宜八級以後才行，因為你的琴齡至少都有10年8年，自己可摸索，加上diploma程度，學費考試費勁貴，故有人會係diploma階段學一兩堂。但你只是三級，好多野都未學得好，上三堂恐怕會是拖進度，除非工事、健康等等因素停學或減堂，不建議這樣做。
其實都未接受報名考試，3月才接受報名，你覺得你未夠班就唔好今年報考，成年人可自行報考，不用老師申請的，如果老師硬叫你今年尾去考試，咁你轉另個老師吧，因為佢未清楚你真的有否三級程度，你是成年人，工事、練琴、考琴是你決策。想考琴有佳績，自己做判斷及每日至少練3小時。
你姪女不用睇譜而背譜都能彈得快，咁佢一定練左好耐，又或只憑聽的音就彈出，根本冇睇譜，甚至唔識睇譜，但三言兩語，好難評論你姪女的琴技。
beyer唔難，由no80開始就稍為要彈得快，你要分手練習，注意分句、力度、staccato/legato，練到好熟才雙手合練。雙手合練時，都要由超慢開始，慢慢加快；之前教過的歌，定時定候彈番下，咁樣就keep住速度了。
你數拍子唔好，分手超慢練習時，可開拍子機來對，一個4分音符=60，熟練後漸漸加快。


2007-01-09 01:33:46 補充：
我不同意成年人彈beyer、czerny的速度要求要比小朋友彈得慢，只要分手超慢練、每句抽出來練、練夠數千次、每日練3小時以上，那還彈不到快嗎？最好一開始對拍子機練。考官不會因為考生彈唔到快速而有同情分，呢d是考生事前的準備，有足夠的級數才去報考，除非太緊張致彈到亂晒才給予機會重彈一次。你唔得就唔得，肥你就肥你，冇同情分。

你有份工,,所以你無咩時間練琴姐
可能就係咁拖慢晒D進度~~
記得之前係琴行學,,因為太忙(我係個學生)所以話唔學
之後個老師話可以兩星期先一次,,何況一個月三堂呢!
如果你真係唔得都無辨法架,,但係你有興趣,,
就算你一個月一次都得架,,進度慢D之MA,,
最緊要就你

就算你唔買部琴,,都有好多琴行俾你練琴啦,,
我未買琴果陣都係咁啦,,所以你姪女係咁都唔出奇
同埋如果D歌練得夠熟,,係可以背到架(我都試過)
所以唔代表你無天份,,因為你無時間去練

彈快歌可以用拍子機,,真係唔得就慢慢由慢至快,,
咁就可以彈熟架啦

天才細路,一定比大人學得快
一般細路,一定比大人學得慢

有天份當然學得好d
冇天份,後天補救既方法只有努力、忍耐、堅持

其實我都好認同以上幾位嘅睇法.講真其實你嘅進度都唔算慢學咗四年去考三級都差唔多啦,我有好多學生都學咗好幾年先去考琴試甚至有啲只為興趣學琴而唔考試.其實真係冇乜所謂.講真宜家有好多小朋友學樂器係為咗儲cert去見學校等學校容易啲收佢哋所以我有好多學生一開始學琴就問幾時可以考琴試,我覺得問我係冇用因為呢樣嘢係好睇個學生肯放幾多時間落去練琴如果佢哋一日嘅時間都抽唔到但又想考幾多級咁好抱歉我唔會教因為咁學冇意思而且亦嘥錢.但你唔同你咁大個先去學你揀得就證明你真係鍾意先去學所以亦都應該比小朋友更加積極去練琴.其實你係有時間嘅睇吓你點分配啫唔通除返工同瞓覺外你一星期抽三至四日嘅時間練琴都唔得?學琴係你興趣唔需要同其他人比較咁樣學法會好大壓力唔會學得開心架!其實你屋企如果夠地方擺琴可以試吓租部琴返屋企練,你只須俾按金同每個月嘅月費(租金要視乎琴嘅型號而定,越高身就越貴!)就可以租部琴返屋企練咁你咪多啲時間練唔使成日就住時間出去練囉.部琴到你唔想再租只要你冇整花部琴咁琴行就會退返之前嘅按金俾你咁如果你仲有心機繼續學到時先買琴都唔遲啦!至於練琴方法你可參巧之前答問題嗰位仁兄嘅方法,其實練琴唔一定要將首歌由頭練到尾先叫練嘅你分段,分左右手都係叫練你個目的係彈好首歌咁心急又點會成事呢?仲有一個禮拜先學一堂又點算多呢?我有學生一星期學兩堂添咁樣個小朋友先會有責任將佢要學嘅嘢去練好.如果又想慳錢又唔想嘥時間而去將啲堂cut至每月兩or三堂咁不如唔好學因為咁樣cut法只會越學越冇恒心最終唯有放棄所以你真係好好諗清楚.最後你考唔考琴嘅決定權都係响你度如果你真係冇信心嘅咪唔好報名住囉今年考試費好貴呀gd.3要$845如要請翻譯就另加$88,反正你都係考2007-2008年度嘅課程所以報名前考慮清楚唔得咪出年考囉好過報咗名先後悔嘛!嗱如果仲有咩唔明可send email or msn俾我再同你傾,msn:[email protected] email:[email protected]希望幫倒你啦加油呀!!

我都係三張幾至學,仲係輪班工作,練琴嘅時間就算係响下午,隔離嘅七姑,B仔會特登用力嘭門,或大叫"又練呀"等等恐嚇行為想我屈服.不過既然係自己鍾意嘅,又点可以因少少挫折而方棄呢,今日彈得一般唔代表以後係咁嘅.相信你其實比最初學習時進步咗唔少架啦!

Byer我都有學,我覺得好玩wo,只係注意平均,連貫,大細聲,無slur嗰啲嘢,好玩好多,我你慢慢彈,簡中先有一兩首彈得似樣啲, 不過相對成功後嘅滿足感會更大

至於同小朋友比較就無意思啦,我細個見個妹練琴,我在旁偷望,時我都彈呀到啦,而家睇九次唔得, 適應番自己年齡啦

其實最好係錄音去練

老友, 一齊努力呀

不要灰心，世上無難事！我三十多歲，學了一年半鋼琴，剛剛passed 三級試，buyer我無彈過，不過彈琴一定要數拍子，自己數唔到，咪用拍子機。
其實你有無轉過老師？老師有責任幫你，不過練琴都好重要，加油！