✔ 最佳答案
你有無留意係咩環境影的相會差?例如夜晚、室內?
而你「差」既定義又係咩?係畫面好花?矇胡?太光?太暗?
而D點又係咩情況、環境時出現?
你是否只用 auto setting?有無較任何setting?
得咁少information好難知係咪部機有問題......
但若果純粹用你提供既資料分析,
你D既問題,係咪通常出現係夜晚?室內?燈光唔夠既環境?
如果係既話,D相會矇既原因係你手震,
因為在光線不足的情況下,相機會開慢快門,等多D光線可以進入鏡頭,
如果這剎那相機受到震動,影出黎D相就會變得矇胡。
而果D點叫做noise(雜訊),當 ISO值高的時候就會出現,
ISO是感光值,提高 ISO可以令相機比較容易吸收光線,
咁個快門就唔需要開得太慢,引至D相變矇。
如果係用auto 的話相機會因應環境提高 ISO,所以就會有點點產生。
想避免呢D問題,可以使用腳架,防止震動,
開閃光燈補光,但留意機仔既有效範圍唔會多過3M。
多D用唔同既setting,除左用auto同部機D場景設定,
多D試下自己手動setup,好似iso咁,通常就有100, 200, 400, 800,
試下咩配搭啱你,相矇就高D,接受唔到D noise 就用腳架,
同一張相,同一個環境,用唔同既setting,效果可以好唔同,
多D嘗試,影多D,你就會慢慢適應、習慣,唔單止越影越好,
更可以發掘到攝影既真正樂趣!
希望我咁既解釋你會明白,如果有更多影相既問題的話,
盡管發問,我們都很樂意解答你的問題!歡迎進入攝影的世界!