連續一星期微燒可以點？

我又以嚴重過你,我係某年咁我都係微燒(最高100度左右),去看急症(前後三次),醫生都講係普遍既發燒,食左藥又唔退燒.之後有一天叫左白車,我頸抽筋不過曉行路好像個"低能"咁.果時連媽媽都唔識.患上腦炎,一直斷斷續續燒左二個月(一直低燒).驗左好多野都唔知咩事咁...
但我希望你唔係咁la

一係休息多一d,有時可能都精神緊張影響到.

2006年我試過兩次，每次醫生都話係感冒，但食咗藥都係around 100度。
Body Check都無事，解釋報告嘅醫生話依家d細菌好勁，有時你摸一下張枱，剛巧佢有菌，又咁啱你摸一下塊面等等，咁就會中招，佢講咁多廢話，都只係表示無能為力！
有朋友建議感冒初起或好似我咁“暗燒”，可以去“同仁堂”買感冒藥，一定要係膠囊嘅﹝只係得一種，一定唔會買錯﹞，早晚各一粒﹝唔好按指示食兩粒﹞。
我食咗似乎無燒，希望唔係剛巧啦！
又或者轉睇中醫，因為“暗燒”呢樣嘢，暗示咗你體內有d嘢，但西醫係睇唔到咁仔細。
報告話我身體好過好多人，最近我去睇中醫，佢話我氣虛、肝鬱...... 等，食咗一個禮拜中藥，我發覺自己精神好過之前。