想去旺角砵蘭街買磁磚，邊間店老實，有無推介?(10分)

其實間間都好老實，不過都要睇你想買啲乜檔次的貨！

如果要平，你應該去康樂街，即舊雀仔街，唔咪平就老實，只係將貨就價！

砵蘭街雖然好多間磁磚鋪，其實真正都係得十幾間，因為好多大間的都有很多門市以不同的店名作招徠，實質都是同一間公司，例如：

美光，合興隆，嘉興，係同一間公司，老字號，中低價至中價檔次，主要賣入口磚及大陸磚
昌盛，貝麗，貝嘉，磚家，活石，中價至中上價檔次，全部賣番自己廠ＲＡＫ阿聯酋啲磚
友暉，妙記，金聯，平記，中價至中上價檔次，主要賣入口磚
新藝，貴族係同老闆，不過新藝主要賣ＣＨＥＡＰ嘢，貴族走高檔
新泰係有三間，另外兩間唔記得左叫咩名，一間開正對面，一間係弼街．主要賣大陸磚
振榮，振華都係同一間公司，振榮主要賣紙皮石，振華轉賣潔具
磁磚佳，世紀又係同一間公司，主要走中低至中路線
大益，有兩部份，一邊走極低檔，另一邊走高檔，老闆大把水．
富圖雅，最高檔，貴晒全條街！
其他的都是獨立走出來．如新城，意大利，羅馬（即以前歐美），磚場，順利，康佳

不過話比你知，只有有賣入口磚的磁磚才是大公司，因為要賣入口磚門檻係好高，你要有番咁上下錢同外國訂貨，要自己有倉，要有錢出ＬＣ等等．所以信譽可以稱高些，字號通常比較老．細公司只可以賣大陸磚，因為他們多數都冇自己倉，你訂貨，佢就安排係大陸車過來．

無論大公司抑或細公司都好，其實都係好老實，係唔會騙你，（我認識他們近十年了）只係他們的老闆實在開得太多門市，另你花多眼亂，你係砵蘭街行來行去，根本唔需要行晒咁多間．實質老闆都係舊果班人！

YOKI WONG
圖片參考：http://hk.yimg.com/i/icon/16/5.gif

店鋪要賺錢可想而知看自己分析,意大利-made in italy 大陸只有italy 價廉物美無可厚非