有晒九成抑鬱症ga病症...如果唔睇醫生會有咩後果?有冇其他治療方法~~

首先, 驚, 係無用, 坐係度驚只會令自己更加驚, 只有行動, 先可以解決問題.
去搵人幫手啦. 佢地好好人, 都好專業, 你d唔開心唔會咁易影響到佢地.
反而,佢地好鍾意幫人, 幫唔到你佢地仲唔開心.

青 少 年 輔 導 服 務
社 會 福 利 署 熱 線：2343 2255
學 友 社 學 生 輔 導 中 心：2728 7999
香 港 青 年 協 會青年輔 導 中 心「關 心 一 線」：2777 8899
香 港 青 少 年 服 務 處「明 心 窗 輔 導 熱 線」：2574 7057
香 港 小 童 群 益 會：2520 6800
突 破 輔 導 中 心：2302 1166
人 間 互 助 社 聯 熱 線：187 8668

24 小 時 預 防 自 殺 熱 線
生 命 熱 線：2382 0000
撒 瑪 利 亞 防 止 自 殺 會：2389 2222

打個電話, 當傾下計law, 無壞架係味, 唔啱傾咪收線law, 佢又唔知你係邊個, 用英文名甚至假名都得, 講d野又保密. 傾完電話, 佢地覺得有人幫襯, 熱線有用至可以繼續申請funding; 佢地幫到你佢地又開心; 唔開心野講左出黎你又開心; 屋企人見你開心d佢地又放心d. 大家都開心, 你話幾好.
又或者當玩下遊戲, 睇下邊個電話打得通. 打通左咪傾兩句, 講bye bye. 唔會麻煩到人架.
或者send個e-mail都得.

呢個網頁仲有好多等住幫你的機構. 為遇上困擾的青少年, 提供即時情緒輔導協助其解決疑難 - 1878668.socialnet.org.hk/menu3_2.htm

不過, 係邊個話你有抑鬱症?
一時唔開心, 人人都有. 未必係病law. 只係暫時的情緒困擾. 不過都唔可以唔理, 收埋唔講, 就會變情緒病; 嚴重嘅先會變精神科疾病. 而精神科疾病又有好多種, 未必係抑鬱.
如果你係做過d問卷, 結果話你有抑鬱徵狀, 亦唔代表有抑鬱病, 係一個訊息話你知快d搵人幫手.
如果係醫生話你有抑鬱症. 咁你快d約個時間返去覆診啦. 信佢啦, 醫生會幫到你架. 如果真係信佢唔過, 搵過第二個醫生law. 抑鬱症復發, 好易變慣性架. 病向淺中醫呀!

去下面網頁睇下, 對情緒病認識多d, 會無咁驚:
心情行動 - http://www1.881903.com/main/event/mood/main.htm
香港健康情緒中心 - http://www.hmdc.med.cuhk.edu.hk/main.html

另外, 關於肚痛, 你搵人傾下計, 開心d, 肚就會痛少d.
腸易激綜合症 - http://www.novartis.com.hk/diseases_conditions/cn/IBS_introduce.html

如果真係好唔開心, 喊之類, 咁你記住, mug都唔好諗. 落街截架的士去急症室. ok?
總之唔好收埋自己, 呢個世界仲有好多人, 唔係得你一個.
拎起個電話啦! 快d! 快d!

請你嘗試打電話到《心晴行動慈善基金》23012303。
慈善基金是專注『情緒病』，亦有輔導服務。
www.jmhf.org

前職員

2007-01-10 05:25:13 補充：
《心晴行動慈善基金》是現在香港唯一一間有關情緒病的慈善基金。可以提供轉介、專業輔導服務、情緒病免費講座。又可介紹一些以家庭醫生收費的醫生比你。郭碧珊小姐 - 一級 臨床心理學家她是《心晴行動慈善基金》前副主席、張達明的太太都是臨床心理學家亦是前副主席 輔導每次一收取100元，但如果你經濟有問題基金是絕對不會收取你的費用，讓有需要的市民得到協助。基金有可介紹你一些懂得醫情緒病的家庭醫生給你，因為一般醫情緒病的醫生有機會比較貴，有時候要千多元，而基金介紹你的醫生都幾好架！好似中環的有個醫生收250元你快D打電話去啦！

結果咪一直抑鬱下去落…日日無啦啦因好小事或無事而情緒低落，好想咸，無啦啦咸。你自己察覺依個問題，而唔想睇醫生，最好係自己覺得唔妥時去打俾朋友開導下或約朋友行下街。食下朱古力和香蕉對抑鬱症有幫助的。不過抑鬱症最慘是夜深人靜時…無人幫，最好同自己講係復發無必要難過而家既自己唔係自己。真正的抑鬱症係要食藥架…若間歇性一個月有一兩日情緒低緒，人人都會有同試過，在有壓力下的社會生活，有時都會無事憂愁起來的。