可唔可以投訴果d無良既狗鋪??

又係凌志, 佢個名都臭晒, 點解仲有人可以幫佢買狗, 佢賣既狗狗十隻有十隻都有事, 你告佢都可以, 但你要有耐性及恒心告到佢上小額錢債, 你有證據唔怕佢誹謗, 你知嗎? 佢怕銀行cut佢單, 佢已經唔比人碌咭, 籍口話狗狗賣到好平, 要以現金價先可以咁平, 我話唔係, 係因為太多人投訴佢, 銀行要佢攞一筆定期做抵押先肯比佢碌咭機, 好彩果次佢唔比我碌咭, 我無咁多cash, 先無買佢既狗狗!

佢唔會咁順攤退錢比你架, 你唔洗同佢理論咁多, 星期一立即打去消委會, 落定案, 消委會有個list可以check佢係咪黑店, 攞唔攞得返錢都好, 越多人投訴, 就會越大機會比多d人知道佢係黑店, 唔好等再有咁多無辜狗狗及苦主受害! 其實你狗狗咳的話, 都仲有機會醫返好, 但你要預起碼三千到, 我隻poodle四個月大時都咳到痴肺, 但一個月就好返晒, 睇左兩次醫生, 都係麥子健醫返好佢, 但我就唔知你狗狗仲有無其他病潛伏, 你打去消委會啦, 消委會講大約四星期到就會同黑店聯絡, 會同佢地講要退錢, 因為法例無一條可以係貨物出門恕不退換, 佢唔肯就排期上小額錢債, 佢唔會為果四五千蚊同你爭持既, 佢入一隻狗都係一二百, 已經賺咗好多喇, 係時候要佢獲利回吐, 等佢個衰人知道唔係個個都怕麻煩, 再打去漁護處告佢賣病狗, 但漁護處唔係好覆人架, 你要不停打不停打, 再打去申訴專員公署投訴漁護處唔覆唔做野, 咁佢就會快d覆, 你要攞齊醫生證明信, 證明佢賣病狗呀!

你比返旺財佢, 佢地唔會醫佢, 牛牛下好返就再賣, 唔好返就揼佢去後巷, 其實你買咗幾多錢? 不如你攞多二三千蚊出黎醫隻狗狗, 等狗狗有返條生路吖, 你比返佢只會死路一條咋!

2007-01-07 00:37:18 補充：
其實你狗狗應該係狗房咳, 但如果流黃綠色鼻涕就係狗瘟, 如果只係狗房咳, 三個星期到就好, 有得醫, 如果係流鼻涕就難講d, 要睇下個醫生得唔得喇! 如果只係咳的話, 我真係好希望你盡力去醫佢, 比返條生路佢行!

其實投訴都無補於事，最好在買狗先前，先問清楚有經驗的朋友對有關狗種的認知，或查閱有關書籍。

你去消費者委員會投訴,
應該都得既...

hi..我都係受害者.....不如致電到各雜誌社....報紙上都可以,講佢地當狗係貨物,買前同貫買後簡直係兩個樣,果個阿旦不知所為...仲同我講自己屋企有4隻狗...講到自己係一個愛狗人,想起本佢就黑人僧.....
報警得唔得?