我想請各位人兄幫個忙~~~

先旨聲明，我並無修讀過有關既theory，只係俾下意見討論下咁啦。

1. interpersonal communication 和 communication有咩分別?
>>interpersonal communication只係communication既其中一種，顧名思義，主要係指人同人之間既溝通，通常係指私人事件上既溝通同相處。

2. 在商業上的溝通同一般溝通有咩唔同?
>>「一般溝通」，你指既會唔會就係「interpersonal communication」呢？我諗最重要既分別就係
i) 商業上的溝通應該有較明確既目的性，通常係要帶出之後既一d行動（譬如：報價、匯報結果、討論條款、交易等）；
ii) 其次就係會有較共通既格式，以便第三者能睇得明白，進行查詢、跟進或查核之類；

3. 溝通有咩要注意，先唔會得罪人?
>>商業上來講，最緊要合法、合理，最好就係合情啦。人與人之間私事溝通都差唔多，不過，私人溝通來講，有時你無錯但都會得罪，因為好多人太自私，只會要求別人迎合佢地，要唔得罪呢d人，好多時就要犧牲原則，所以只能盡量做到合情合理同埋受大多數人認同。

4. 可以點增強自己的溝通能力?
>>老套d講，一定要多同人溝通。但想進步，就要提升兩方面：
(i) 接收準確 - 聆聽：唔好漏野，理解：要分到邊句係重點，甚至弦外之音都要分得出。所以你要(a)練耐性（聽），唔好隨便閘斷對方內容，(b)練分辨力，即時響大段內容中找出得方其實想講咩，因為對方可能表達力差，(c)練洞察力，對方一句回應、一個小動作、一個表情，都可能代表左佢一d佢既反應，如果你能夠掌握到呢d信訊對溝通都有幫助，呢樣野好似有d書可以睇。
(ii) 表達清晰、易明：唔止要自己講得好，仲要用對方都可以理解到既方式去講，所以同人講野前如果能夠先對對方有d了解會好好多。

希望你o岩用啦！

1. interpersonal communication 和 communication有咩分別?
Interpersonal communication係communication的一種，係目的和對象有所不同。

2. 在商業上的溝通同一般溝通有咩唔同?
商業上的溝通講求效率和清楚，要有條理。特別是合約條款。跟一般溝通，天南地北，風花雪月不一樣。
3. 溝通有咩要注意，先唔會得罪人?
溝通要注意不要犯著對方的要害，和不要扁低對方，通常都唔會得罪人。例如對方生得矮，你就唔好笑對方矮。
4. 可以點增強自己的溝通能力?
可以參加一些增強溝通能力的班。同時，留意其他人的說話和聽者的反應。你好快就會明白怎樣去溝通。