邊度有國畫導師教國畫教得好?20分!

咦…我住深水埗我都唔知有好多有名的國畫老師。

我又有去過九龍城…都唔覺有……

至於價錢……我都唔知點叫貴。跟到好老師…你可以俾到幾多？？

不過…我其實有個建議…，或算是想法吧﹗﹗
山水…同老虎…是不同種類的題材。一個是山水，一個屬花鳥。好似無乜老師兩範都叫好掂。

至於扇面…係一種表現形式，無話專長畫扇面的畫家。係平時畫開宣紙，也會畫下金箋、扇面咁樣。

有無諗下去讀校外課程部的國畫証畫課程？？我以前有上過其中一些國畫course。
那裡是由不同的老師組合任教，各有不同的風格。

跟老師學畫畫係需要，不過你要先試左邊個老師、邊種教法適合你，每個老師都好有斤兩、有資歷，不過教與學係人夾人o既，好多時聽人說這個老師好，你又唔一定同樣覺得。

而且，跟唔同的老師，眼界都會開展不少。

好多老師都有私人授課，你上左一段時間先，覺得ok先問問佢可唔可以跟佢私人長學。

再者，一下子跟死某一兩個老師，跟得耐的話好易定型，學生呢…永無可能叻過老師o既，反而你試多d不同種類的形式，真係有心畫畫，十年八載後都會有d個人面貌。

2007-01-11 10:49:05 補充：
sorry﹗﹗暫借空間一用。To Sheep：你講的當然有你的理由，但有些概念要清楚，不要混淆。山水畫不一定等於寫意畫。跟花鳥相冋，山水也有工筆山水和意筆山水。補充一下。1. 我都明白，好一些師傅教國畫，尤其花鳥，會先從工筆入手，因為要先灌輸花鳥造型、結構基礎，以後意筆時就能胸有成竹。

2007-01-11 10:49:30 補充：
2. 不過，這也非定理。學國畫的過程並非：工筆花鳥 -- 寫意花鳥 -- 山水。都有好多人直接入門是寫意山水同寫意花鳥。我個人認為 and 經驗，是工筆花鳥較沉悶，步驟多、需時久，對初入門者來說較難提起興趣，甚至嚇怕了他們。（所以坊間一般叫國畫入門的班，教的反而多是意筆的四君子）。3. 都市人生活忙碌，工餘時間不多，三幾星期才畫得一小張的工筆對整個學畫的進程來說太長了。其實工筆的原意是叫人注重結構、造型、色彩運用，現代人較古人優勝的地方是多多少少懂得素描，解剖結構，可相對滅省每每從工筆入手的需要和必然性。

2007-01-11 10:49:46 補充：
4. 不過，正如我分享的一樣，學畫呢樣野，方法同老師都係見仁見智，每人需要的不同，總之就是有心畫就很好了。5. 另，我個人真的欣賞和高與到你的分享。現在真的很少年輕人畫國畫，尤其是工筆花鳥。我有次見到位小姐，衣著入時，很in的，也很年輕，但得知她原來會畫工筆花鳥，畫的還是四尺紙的畫幅，見她畫的作品水準也高，真的十分感動。

2007-01-11 10:52:51 補充：
最後真的想補充和強調一句，我無意作任何針鋒相對的內容。只是難得見到個畫畫人，就隨便找個空間交流而已。

其實國畫主要係分工筆, 寫意同埋沒骨
山水畫同虎係比較進階的
唔建議一步登天去學
而扇面其實幾時都畫得
只係質地唔同, 同埋畫面既鋪排唔同

我認為工筆畫係最基本既
從勾線同渲染上色學起
呢d都係基本工
基本要紮實, 先可以提供到畫寫意畫既技巧俾你
(山水係寫意畫)
我本人既老師教法都係咁
可以既話先畫工筆花鳥, 之後再學山水
就算你一開始畫寫意
通常都係由花開始
講真山水唔係就咁學就畫到
中國畫講求神似
你冇咁上下功力, 畫山水唔得自如, 又點做到出世寫意既效果呢?
而虎就更加難
動物上面既毛都要用拉線黎畫
你唔識工筆畫既勾線手法又點會畫到呢

呢d都係本人意見, 當然你都可以去直接畫山水啦
只不過基礎唔打好, 可能你學再多年都冇用
我見你話有誠意所以先咁建議^^

我而家係油麻地學緊國畫
我當然覺得我老師好好啦~收費亦都唔貴
其實出面有d所謂國畫班收得好貴但d先生又冇料...
所以你都係搵識人介紹好d~
我都識d畫山水唔錯既老師~
例如陳用~陳老師...不過唔知佢仲有冇教山水~
http://www.chanyung.com
呢個係佢既網頁~
希望幫到你啦~

深水埗or九龍城有好多，but,,,好貴

深水埗or九龍城有好多，求其一間都好出名架！！