伴娘的工作

其實金器同人情你最好唔好KEEP，最好都係比返佢屋企人自己keep，因為有咩事傷到大家既感情就唔好。
我有個朋友她做姊妹係完場時大家都累，而個伴娘剛好想去洗手間比咗我朋友看一會，之後我朋友比返個伴娘，到了第二日佢個朋友話唔見咗啲人情話係我朋友囉了，而我朋友那日太累她只記得有比返個伴娘而個伴娘又話無(伴娘係新娘細妹)，而我朋友為了這件事成日訓唔好，又變得好神經質，結果最後發現原來係個化妝師拿了，結果大家都傷了感情，這樣都唔係一件好事。

而做伴娘你就要一早去到新娘屋企幫忙打點 :
1) 出門時要幫新娘開傘直到新娘他們上車為止。
2) 去到男家下車時又要記得開傘直到去到男家門口為上。
3) 要幫忙換衫數金器，要幫忙把換了的衣服收拾好。
4) 如果婚紗時拖尾的話要幫忙拿起。
5) 而證件你可以問新娘你keep定還是她家人keep。
6) 如你有化妝品可以帶定一些，因為換衫時可能會弄到個妝那時便要幫忙補一補妝。(如化妝師不是跟全日的話)
7) 去到酒店 or 酒樓時要幫忙打點一些小事，新娘有什麼需要你便要幫她。
8) 敬茶時要幫忙拿茶。(如沒有大妗姐)
9) 有時可能要做埋司儀。(如沒有司儀)
10) 玩遊戲時有時要跟住新娘子，因為有時新娘子的晚裝都會有拖尾，所以你要跟在後面避免給別人採到而令新娘行動不便或尷尬。
11) 到要換衫時要去告知新娘，有時你還要記得那個頭飾用於那套晚裝。(如化妝師不是全日)
12) 完場後幫忙收拾。

* 所以伴娘做好不要做一些要keep東西的事，因為伴娘很多時走來走去會很容易留下了。

我做過2次伴娘,伴娘唔好keep金器同人情,因當天會好忙好易會遺失,伴娘可以安排其他佢認為勝任的人輔助,唔好全部自己做晒,因你係會做唔徹. 其次仲會有些不熟新人既親戚會恭喜你,你要將佢帶到新娘度.入席係坐新娘側, 其實伴娘唔係做1天,而係婚禮前都要做,例如陪新娘影相,買呢買路縂之你係佢好朋友就會事事上心, 其他要做既上面d朋友已經詳述,我講既係我既實際經驗.

伴娘同新娘一樣身上沒口袋, keep 禮同金器, 很不方便, 你只負責接過手, 但找別人keep, 比如新娘的親姊妹或媽媽, 因為你要負責扶新娘出入, 幫她拉裙等, 如果你成手都拿著東西, 你掉失都不會知道的. 你問新娘那人才合適, 你便與那人拍住做嘢, 新娘有沒有人做幫佢斟茶, 捧杯的人, 比如大妗姐, 如果沒有, 伴娘要與另外一個姊妹拍住做, 最好不是拿利是那個, 有一個人負責洗杯, 伴娘負責捧杯盤, 因龍鳳杯只有四隻, 一次奉給一對長輩便用完, 當長輩換人坐時, 馬上拿去洗一洗, 倒上茶.

人情同收回的利是, 由新娘收後, 交那負責人, 或交伴娘, 轉交那負責人. 至於金器, 捧茶後, 新娘留在男家吃午飯, 其他兄弟姊妹會由男家安排去外面食, 利是可以看情況由該負責的姊妹帶著或交還新娘.金器如果同褂一同除下, 便放在男家, 待去酒樓前再戴上, 去到酒樓, 如換晚裝, 新娘不想帶, 便除下由那位負責的姊妹拿著, 不可放在新娘房. 如果新娘戴在身上時, 伴娘要記著共有多少隻介指, 手鐲, 項鍊等, 每次新娘出入,捧完茶等, 你要幫她點一下身上的首飾有無少了, 很多新娘因size 不合或扣沒扣好, 都掉失一些介指金器之類.

其實大部份人都不是太清楚為什麼會有伴郎伴娘，他們就是幫我們於舉行婚禮時一切順利？伴娘可以協助新娘穿禮服等事情，新郎新娘就覺得，伴郎伴娘不外乎是協助他們照顧周到，就好像貼身侍從般，但是實情又是不是這般簡單？

「伴娘」是新娘的貼身個人助理，一般是新娘的最信賴的好朋友、同事、同學等。

伴娘到達新娘家預備及佈置，在旁打點一切。新郎抵達後, 可一齊玩新郎及索取開門利是。新人逐一向長輩敬茶時，伴娘幫手及打點。伴娘和姊妹協助新娘攜帶更換衣物及其他物品去新郎家。抵達新郎家，新人向新郎父母敬茶，新人留在新郎家午膳，伴娘留在男家陪伴新娘。

·伴娘應是與新娘熟稔的, 如認識新郎及新娘家人親友的更佳。
·由於伴娘是當日協助新娘以最佳姿態出現，因此伴娘最好對化妝等有點
　認識，隨時幫助新娘補妝。同時幫助新娘轉換頭飾及其他飾物。
·伴娘也應是個細心的人，便隨時協助新娘處理結婚當日的突發事情。
·伴娘應是個主動的人。
·伴娘也宜選些端莊穩重的人，減輕新娘緊張的心情。
·由於伴娘也會需要協助新娘處理親友送來的金器，或暫代保管收到的禮
　金，因此，也需是一個可靠、有責任感， 及仔細小心的人。
·當然，新娘是當日一眾親友的注目焦點，故此避免選一個外貌比新娘更
　漂亮的伴娘。

酒宴後協助新人收拾衣物離開，收到的禮物及禮金交新人或家人收存。

伴娘在新娘大婚之日，要協助新娘整理婚紗、花棒、化妝品與各種飾物，由清晨忙到半夜，並隨時候命。

伴娘的工作

·事前還要跟新娘安排一些細節，例如化妝、禮服等等。
·負責打點新娘一切所需，如新娘化粧 (補裝) 及整理髮型
·幫新娘換衫、帶手飾、換頭飾
·伴娘主要貼身照顧新娘，結婚當日會同新人形影不離，新娘去洗手間
　伴娘都會跟住幫新娘整理晚裝
·有時幫新娘拉裙尾
·出女家門就拿紅傘
·可以提醒新娘當天結婚預備針線呀、扣針呀、棉花棒、甚至飲管

新娘結婚前一晚，伴娘是否一定要在她家裏陪伴？
其實，要視乎新娘有否要求，不一定有需要，但早一晚去新娘家的好處是如果新人要晨早出門，伴娘於結婚當日早上便不用辛苦趕住新娘家中化妝。）
伴娘是婚禮中除新郎外最貼近新娘的人，責任重大：

扮靚顧問
婚禮當日，伴娘常伴新娘左右，需要眉精眼企，懂得為新娘補妝，執漏，經常留意新娘衣著，笑容，表現是否恰當．總之要協助新娘以最佳狀態會見各位親朋

見招拆招
在這種喜慶日子，一定有相當愛搞氣氛的〔好事之徒〕出現，伴娘要見招拆招，好等新娘在整個程序中繼續保持其淑女風範

招待賓客
新娘是眾人的焦點，自然會緊張，加上程序緊密，容易露出疲態，自身難保，無暇招呼賓客，伴娘此時要施展她的公關手段，務求令各客人有賓至如歸之感

賀禮首飾保管人
新娘配戴的首飾繁多，更換時易生錯漏或遺失，伴娘要肩負看管及點數的責任．此外，許多到賀的人會將賀禮親自遞給新娘，新娘自然會順手傳給伴娘，因此伴娘要小心及有系統地代為保管

首先伴娘一定要係同您好熟o既人, 好好o既朋友, 或者妹妹, 因為當日伴娘係會好似妹仔咁由朝陪住新娘到晚, 佢熟知您o既性格同習慣, 可以o係當日幫您照顧您身邊o既事而唔駛您處處提點, 而且佢同您熟, 對當日o既事亦會上心多o的, 會比心機照顧您多o的...

另外伴娘一定要好脾氣的, 因為當日新娘一定好緊張而容易發脾氣, 伴娘至少要忍得住而繼續照顧新娘先得...

伴娘亦要勤快同醒目的, 因為好多時要幫新娘睇下裙有冇歪, 妝有冇花, 影相時有冇野唔靚, 同代替新娘走黎走去, or吩咐其他人幫手... 如果搵著o的懶o既, 可能唔會咁有心幫新娘跟足o的野...

雖然話唔好搵個靚過自己o既伴娘, 但伴娘時刻都o係您身邊, 都唔可以太離譜啦, 樣貌端莊, 有笑容o既就好啦... 咁所以, 一定要為伴娘預備衫啦, 同埋化妝, set頭啦, 如果唔係只會影響成個婚禮o既美觀感~~ 鞋可以佢自己去襯都得.....

...仲有就係坐車時o既位呀, 在場食飯o既坐位呀, 佢可能要o係您出嫁之前o係您到訓架...

其實, 只要係好朋友, or係您想佢替您開心o既人, 您都可以搵佢啦, 唔須要理佢係咪真係靚過您啦, 因為, 當日您先係主角, 您一定係最靚架~~

人情同金器唔一定伴娘keep
你要問清楚新娘邊個keep, 因為有時佢地會另外安排姊妹或家人keep, 而伴娘就一定要跟出跟入幫新娘keep住睇佢個裝有冇容, 一有走樣就要叫佢補裝, 又要幫佢整理好多野, 好似要幫佢手換衫, 晚上又要提佢幾點要搵邊條裙, 幾時開始要影相, 又要幫佢整lee整路, 總之果日你會好忙, 忙到自己鏡都唔得閒照, 你個日要全程做佢既保母啦