會遇到的煩惱...

問題就每個人都會遇到架啦，不過啲問題通常係自己諗唔通，又或者係自己處理唔到咁解啫。係讀書嘅年代啲問題通常都係：成績嘅問題、同學啲友誼關係嘅問題屋企人啲麻煩嘢啦、零用錢唔多夠啦、閙情緒，又或者想識吓啲異性試吓拍拖咁，呢啲都係中學生嘅問題囉。
要解決呢啲咁嘅問題，首先就要睇吓自己實際上需要啲咩先，需要知識再好啲咪再用功啲囉，需要友誼關好啲嘅，咪加强自己對人地嘅諒解囉，零用錢唔夠咪省少少用囉，想識異性嘅朋友，自己就要學吓人際關係啦，最後就係自己嘅情緒問題啦呢個先至係主要嘅問題，因為自己嘅情緒係可以直接影響自己，所做嘅嘢所諗嘅喎，所以就要學吓自己控制自己嘅情緒啦。
係每件事嘅當中想穩定自己嘅情緒，就必需要有客觀嘅心態，同時亦要有自己嘅價值觀，例如，要合群嘅，就要從人地嘅角度去諗，人地影響到自己啲咩先，自己又會損失咗啲咩，如果只係性格上唔夾，又或者人地諗嘅嘢同自己唔同嘅。呢啲係無問題架喎，因為人地諗啲咩又或者鐘意啲咩，對自己係無直接影響架喎，只要人地無直接傷害到自己，咪由得佢地囉，最緊要係自己做番自己嘅嘢，人啲點去諗係人地嘅事，你係咗止唔到架喎，咁使咩理人地點去諗啫，係咪先。
自己應該為自己諗多啲前途嘅嘢，個腦唔係用呢同人地諗埋啲無謂嘢，將自己嘅價值觀擺係自己嘅前途上，用多餘嘅時間去補充自己唔識嘅嘢，去學吓第二自己有興趣嘅嘢，咁樣去諗嘅話，自己嘅情緒咪穩定落嚟囉，客觀啲寬容啲對自己無話唔得架，自己係為自己做人吖嘛，又唔係為人地而生存，咁使咩理啲無謂嘅人呢，而且仲影響到自己做人嘅價值觀喎，心空廣闊啲，氣量大啲啲，咁就咩事都唔會係大問題嚟架啦。OK

開始青春期, 相信係男女關係, 性取向的問題多 D啦