一d西餐既餐桌禮儀問題

✔ 最佳答案

1.飲完湯,隻羹應該擺0係碗內定旁邊隻碟?
應放喺隻底碟右手邊度;又或者湯碗上, 如果碗上仲有湯, 羹上記住要無湯, 放在湯面上, 如果湯剩得太多, 就索性放底碟右手邊度, 免得侍應唔知您仲要唔要;

2.食緊野,突然行開,d刀叉要點擺?食完,又要點擺?1
食緊嘢, 要行開, 刀叉分開放在碟上, 八字型分開, 又或者交叉咁擺, 表示仲要碟上o既食物; 如果食完刀叉就可以平衡斜斜的放在碟上的左或右邊;

3.食扒時,應該切一舊食一舊,定切晒先食?
當然係切一舊, 食一舊, 想食幾多, 就切幾多, 一件一件咁放入口;

4.假如我去食牛扒飯,我應該係食晒d牛扒先食飯,定還是可以邊食扒邊食飯?
好少人會是但食哂一樣嘢先, 頭一淡, 鈡意食乜嘢先都得;

假如係後者,咁切切下牛扒想食啖飯,囉黎切野既刀叉應該點放?放0係邊?
如果牛扒跟飯的話, 在擺位方面, 一般會有一隻麵食羹喺頂或者右手面, 記住呢隻羮係長長哋, 鵝旦咁形o既; 唔好同隻圓形湯匙搞錯 !! 當食飯o既時候, 右手放低把刀在碟右旁, 右手就攞起隻飯羮, 以叉伴著, 用羮一羮一羮咁將飯畢起及送到咀裡吃, 羮和刀就互相交替;

5.食包時,應該點查牛油?成個食定點樣?可唔可以用手渣住黎食?
食餐包係唔使用餐具o既! 可以用牛油刀 cut 少少牛油, 搽喺包上, 成個包可以揸住食又得; 另外又可以搣個包一部份, mic 嗰一部份包包落啲牛油度, 跟著就可以直接放入口食;

6.食緊野時想飲啖野,又有冇咩要注意?
如果您係女仔, 就要有儀態啲, 放低哂啲餐具, 有飲筒的話, 就輕輕傍住飲筒啜, 如果係無飲管, 就要用右手攞起隻杯咁飲, 跟住放番好隻杯喺原本o既位置, 一般飲品係放喺碟o既右上方, 唔好擺錯位, 又或者隻手左碰右碰, 碰瀉杯飲品, 就論盡啦!!

7.飲熱飲時隻羹,當攪完杯野,應該放出黎擺下面隻碟仔度定還是有佢繼續留0係杯野度?
由佢繼續留喺杯嘢度, 飲嘢嗰陣, 會頂住您個鼻o架! 咁即係要將茶匙放在茶碟上啦, 必要時再加糖奶時, 再放在柸中搞。

有無答少咗您問題呀?? 唔明可以再問噃!! 希望可以幫到您啦!!

thx

2007-01-06 03:34:11 補充：
6) 要補充一點, 如果您係男仔, 飲嘢都係要小心啲!! 多數飲品唔用筒飲嘢, 但飲品放的位置會是一樣, 注意事項跟女仔一樣。7) 飲熱荼啡o既時候, 左要整套杯提起到較近自己身邊, 然後用右手揸住隻杯耳仔提起隻杯, 再將杯放近咀邊飲用, 要的是將底碟承接飲用時滴下的飲品, 及在搞拌時, 滿瀉溢出已在杯底碟上的飲品滴下, 防止滴濕衣服而失儀。

2007-01-10 00:58:38 補充：
8) 其實, 方向方面都無乜所謂, 但正式嚟講, 湯匙係從面前往外畢, 畢到最底時, 如果要畢清湯杯底的湯, 只要用左手傍住隻隻湯杯耳, 向外傾側, 令湯聚埋一邊, 右手用湯匙一羮羮咁樣畢, 直至您飲夠為止, 左手就可輕輕放下湯杯, 右手就可以放下湯羮 (如之前談及的位置); 如果盛湯的是湯碗, 不是湯杯, 做法一樣, 只是用母指及食指攞住左面碗邊傾外側扶, 令湯聚埋一邊, 也是如上述咁一羮一羮咁畢直至飲完。仲有無嘢想問呀 ??

回答 (2)