只返了一日工係咪沒有人工??

正確黎講，係要視乎你同公司所簽定的僱傭合約而定。

僱傭合約會寫明在試用期內，是否需要或需要幾多天的離職通知期，
好多時是頭 7 天不用通知期，即是可以即日通知便走得，
那代表你返左幾多天就收到幾多天的人工，
就算係返左一天都有人工收返的。

有啲會寫明三個用試用期，試用期內需要 7 天通知期，
即你如果想辭就要 7 天前通知才可以走，
如果要即日走，就要俾番 7 天人工作為代通知金。
假設你返左二個月，係第二個月的第 14 日通知公司話你想即日走，
咁你就只可以收番 7 日人工，而另外嗰 7 日就會當作代通知賠償番俾老闆。

因此...如果你張僱傭合約寫試用期內需要 7 天通知期，
又無寫明頭 7 天不用通知期的話，
你返左一日就走，你反而仲要補番 6 日人工俾公司添！

所以.....一切都要視乎你份僱傭合約而定。

如果無簽僱傭合約，則按照勞工處的最低要求條款而定。

返一日都有人工出, 你要問返個僱主拎。

唔係,我個fd做左3日,公司會出番3日糧既支票。
你要問番佢拎...唔係既話可能冇。

2007-01-05 16:32:38 補充：
其實一日半日好難講岩唔岩自己既..你可以試下做住一排先囉!頭個幾日通常冇咩野做。當拎多幾日人工