我想學電腦畫畫

電腦繪圖有幾個取向，你要知自己想學邊範先，如果唔係到時就會好悶或覺得好困難。

1. photoshop的一類，功能強大，由畫圖、上色，到執相片都可以用到。

2. illustrator一類的向量式繪圖，簡單講句，要先畫path再fill色的，效果幾圖案化的。

3. painter一類，軟件以模仿各種真實的繪畫技巧、筆觸而見稱，如水彩、油畫筆觸，配合繪圖板，又熟習的話，可以當係一張畫咁去畫。

（三者都講的唔算清楚，因為功能太多，熟的話可以做到好多野）。

當然，仲有好多不同的繪圖software。去上班的話，因為好多課程都以軟件應用為核心，如教Photoshop的、教painter的，故要看看哪個有興趣，再報名去學。

又或者，反過來有些課程是繪畫目標為本的，如講明以電腦畫漫畫人像的…之類，咁就可能應用多過一個軟件。

初學的話…平平地就建議工聯會，都唔錯嫁。課程的選擇都幾多下﹗

買書自學的話…去黃金呀、旺角星際呀…灣仔298咁啦…好多電腦書店。

我諗你首先問下自己本身喜不喜歡畫野先，同埋平時有無畫開野．
如果有，我就認為你學painter會好一點，同平時畫野差不多，同埋自己然好多，而且有埋油彩，木顏色，色粉彩等．

呢d書係好多電腦商場都會有，好似灣仔２９８，灣仔電腦城等等