玻璃面具*........有關大結局既...@_@

官方網度係寫動畫係到51集結局的, 但係由於漫畫都仲係未出完的, 所以好似冇結局咁
其實我都o係度等緊個結局, 我追左呢套漫畫好多年啦, 但係之前係慢到好似停刊咁o既速度
係上年先出返第42期出o黎
而家漫畫都仲係講緊真夜同阿弓o既紅天女決鬥, 而月影都仲係吊住條命o係度撐到要選出紅天女人選為止啦
至於真澄同真夜, 就大家相愛但係又有d阻礙呀, 真澄又有個未婚妻呀咁啦, 我諗都係要等到紅天女出爐先知佢地2個係咪真係會一齊啦, 不過照計就應該係一對o既~
我覺得作者美內鈴惠都係因為諗唔到點畫紅天女決鬥先遲遲出唔到個結局je, 冇計啦~佢一開始就寫得紅天女太神啦, 神到好似人類演繹唔到咁, 連行個路都要好似鬼咁飄出o黎, 又真係好難再諗下一個決鬥要點o既~可能俾d時間佢遲d就會有個結局啦~

至於呢個結局係點, 我上面都講左因為佢仲未出完漫畫, 好難去作一個完整結局o係動畫度o既~就好似鋼鍊咁, 佢漫畫都係未出完ga, 所以動畫個ending都係同漫畫唔同or應該話佢o係冇咁深入o既地方做左個總結, 而家玻璃面具o既動畫結局都係同一道理

希望解答到你o既問題啦~

重未有結局嫁，
個漫畫家作左30年先出第42集，
所以重未有結局嫁。

其實個個唔係結局黎ga
個結局作者都未作落去
個作者都有近20年都未作個結局,慢慢等la~

我有see過，
講亞弓同真夜都有份在島上試做紅天女，
而紅天女由月影老師演了上半部(邊嘔血邊做)，
有得睇表演既人得幾個(真澄、大都既人...)
下半部月影老師就叫佢地自己用自己能力發揮，
之後就燒左條橋唔比人再入島，自己同個工人一起等死！

後來講真夜知道真澄是玫瑰先生，
真澄在草地上閉上眼互相feel到佢同真夜既愛，
不過醒來又好似發夢咁。

最後大家都係咁過住生活！！

大結局查實唔太好睇！！