點解劉德華同叱吒903唔妥既?

根據0既報章雜誌, 好似係話十多年前劉德華同俞崢惡交, 所以由俞崢話事0既商台好唔妥劉德華, 曾幾何時(90年代), 商台有一個"最不受商台DJ歡迎歌手"選舉, 劉德華一面倒當選, 而劉德華亦表明唔會出席叱吒頒獎禮. 不過, 自2001年開始, 劉德華同商台0既關係好似好0左, 商台經常邀請劉德華上節目, 劉德華亦俾面應邀, 仲參與0個年商台0既重頭廣播劇, 而且仲唱埋主題曲"鴿子情緣", 首主題曲亦得到叱吒十大第4位. 0係2005年劉德華0既"我得你"同樣得到叱吒十大第4位. 雖然關係好轉亦有獎拎, 但係劉德華依舊年年缺席叱吒頒獎禮, 就算有獎拎都只會派公司代表代為領獎. 其實好耐以前劉德華都有0係叱吒拎過獎, 由1991年至1994年, 劉德華連續四年奪得叱吒男歌手銀獎. 1991年亦同時奪得"叱吒我最喜愛歌曲獎". 1998年就拎得最多獎, 除0左叱吒十大第5位, 仲拎0左男歌手銀獎同唱作人大獎.

2007-01-05 15:11:37 補充：
sorry, 98年劉德華係拎男歌手銅獎而唔係銀獎.

冇啵
"佢年年都係有咁多野拎"佢點會唔去呀