✔ 最佳答案
咁你今年幾大先? 你好似係講緊我個情況咁既? 我d朋友, 有單身, 有拍緊拖, 今年又收到帖, 甚至有舊同學做埋阿媽添! 應該比你多樣化^^
擴闊生活圈子既方法有好多, 最普通既方法就係朋友介紹囉, 多d搞/參與聚會, 朋友撘朋友咁, 好似做傳銷咁樣倍增囉, 玩多幾次就熟架啦;
上網係其中一個方法, 但對女仔黎講有風險(其實男仔都會有);
又或者係做義工, 我之前都行過公益金百萬行, 如果你真係得閒過頭既話, 可以去報一d course黎充實自己, 咁上堂時實會有同學仔丫, 咁咪又可以識朋友囉, 我而家都有上電腦堂, 不過, 個d"同學"做得我老竇甚至係我阿爺啦!
我就曾經識過一個人, 佢係做保誠保險既, 由於佢份人太過"高姿態"(即係招積, 自視甚高, 眼中只有$$$), 甚至講到明有需要先至會接你打俾佢既電話, 結果咪搞到佢身邊只係得返兩種人, 一種人係佢d街客, 另一種人就係佢屋企人. 試過有人第一次見到佢, 之後同其他人講話呢條友份人好假,
如果你自問未去到咁既地步, 咁你應該都係一個普通人黎既o者. 交友之道貴乎坦誠, 總之係對人真誠, 珍惜現在擁有的一切, 抱住平常心去交朋友, 唔好太過計較利益.