不知該如何?!
2007-01-04 7:59 pm
因我表哥結婚, 我要做兄弟及司儀, 所以認識了她, 她是其中一個姊妹, 是新娘的同學, 在婚禮前的一班兄弟姊妹食晚飯時我己留意到她, 還主動和她談話, 氣氛也良好, 我做得司儀同埋我本身係Sales說話技巧也不會太差, 好運地因我和她住同一區, 所以我表哥安排我車埋佢番屋企, 這也幫助我和她熟絡了, 到婚禮當日, 我當然爭取機會進量和她溝通啦, 我對她的較其他人多一點的熱情有一些其他姊妹也察覺到(她們全是新娘的同學), 或者可能她的性格是比較爽的女孩, 對我的特別關心態度她也沒有抗拒, 一切也順利, 我也覺得繼續主動的話是有機會追到她的, 但問題來了, 她是有男朋友的, 這是第一次食飯時我已知道的, 而她的男朋友也認識那班姊妹們和我表哥的, 我表哥會慰勞我們所以我們還會見多一次面的, 到底我應否再做多一些事去表明追佢呢? 但我擔心不想拆散人地也未必拆得散, 不過我更不想錯過這次緣份, 各位可以給我少少意見嗎?
回答 (6)
2007-01-04 10:54 pm
✔ 最佳答案
唔可以話拆散... 男未娶, 女未嫁; 大家尚可以選擇.. 不過明知人地有男友都要橫刀奪愛, 咁又非君子所為, 但係唔知佢地是否已有好深厚的感情和是否好夾... ???而且, 鐘意一個人都唔係一定要得到佢, 最緊要係佢開心幸福...
keep 住同佢做朋友, 以後或者唔係有好多機會見面, 不過可以問佢攞e-mail address 或者msn.. 保持住聯絡...
靜觀其變... 姻縁要天時地利人和... 人和, 你地都有, 至少你地已經相識, 仲要睇埋天時地利, right person, 但係唔係right time 都冇用..
2007-01-04 9:43 pm
其實你自己都已有答案啦. 拆唔拆得散人地, 咁就要睇吓佢地兩個感情有幾深厚了. 如果佢地係有問題, 就算無你既出現, 佢地都唔會長久啦. 感情這樣野, 我覺得無話邊個錯, 邊個對的. 既然你唔想錯過機會, 你不如嘗試吓啦. 你唔試過, 又點知道得與唔得呢? 不過我建議不要太快比她知道你的心意, 你可嘗試攞她的電話, 和她做朋友, 多些聯絡, 等她可以了解吓你先. 如果你咁快表明, 我驚你會嚇走了她, 到時就咩機會都無啦.
我係女, 我好明白女仔既心態的.
我係女, 我好明白女仔既心態的.
2007-01-04 8:22 pm
其實我覺得就算個女仔係有朋友, 都唔代表d 咩o者... 大家都有大家選擇既權利... 或者你比佢男朋友更係適合佢呢? 無人知架......
而家你可以做既, 就係唔好錯失呢個機會, 同佢傾多d, 了解佢多d, 問佢囉msn呀咁, 等大家傾到計既機會都多d... 熟左, 等佢了解左你之後先再決定點做啦....
你唔好嚇走佢... 係你既話, 點都係你既... 唔好放棄呀!! 加油!!
而家你可以做既, 就係唔好錯失呢個機會, 同佢傾多d, 了解佢多d, 問佢囉msn呀咁, 等大家傾到計既機會都多d... 熟左, 等佢了解左你之後先再決定點做啦....
你唔好嚇走佢... 係你既話, 點都係你既... 唔好放棄呀!! 加油!!
參考: 個人意見
2007-01-04 8:11 pm
我唔主張你橫刀奪愛,暫時跟她做住朋友先啦
2007-01-04 8:07 pm
個女仔有男朋友的, 你唔好再唸了。一來, 如果佢同佢男朋友好好, 佢拒絕你, 你會無隠, 連朋友都冇得做; 二來, 如果佢因為你對佢男朋友有動搖, 你咪做佐拆散人地嗰個囉! 加上你又識得佢地身邊既人, 你可能會受到好多壓力同歧視眼光架喎。天涯何處無芳草喎!
2007-01-04 8:06 pm
人地有男友,你表明都冇用.
就算你表明有用,個女仔可以移情別戀都唔係好女仔啦.
所以只有等佢分手.
就算你表明有用,個女仔可以移情別戀都唔係好女仔啦.
所以只有等佢分手.
收錄日期: 2021-04-12 18:46:51
原文連結 [永久失效]:
https://hk.answers.yahoo.com/question/index?qid=20070104000051KK00985