如何避免這些的陷阱問題呢﹖

我覺得d人有心造勢係無可避免佢做,但可以投訴,或者唔理佢.
我選答問題都係隨心,鍾意同識先答囉.

問題：　遺產處理的正確手續？
最麻煩是遺產中有死者的記名股票、以及認股權証，但遍尋報紙財經版，
都找不到有關的股票名稱及編號，請有關「專業人仕」，提供「正確」
程序及跟進方法。

＊要「專業」及「正確」的程序及意見，不要胡亂抄襲的「廢料」！
-----------------------------------------------------------------------------
＊＊你的答案：（好明顯資料有誤）
（１）個電話我check過真係[中央証劵]；
（２）唔怕得罪一句，你答案真係有問題，次序同做法都唔多準，有
　　　教錯人之嫌。例如，人地連股權都未清楚，又未同稅局登記，
　　　點到遺產承辦處拿取遺產承辦書呢？！
（３）人地發問者評價都聲明：「分別好明顯，最佳答案你當之無愧。
　　　不過都好多謝第一位朋友幫忙。」就算你答得(麻麻地)，人地都
　　　已經咁客氣，好多謝你依位「第一位朋友」幫忙。你仲中傷人地
　　　，我就覺得你真係有ｄ過份啦！！

＊＊我覺得「公道自在人心」，所以copy左全文，俾眾網友評評理。＊＊
-------------------------------------------------------------------------------
＊＊你的答案：

建議你打電話到過戶處查詢現有之股票是否存在，
若不存在就是廢紙沒有價值了。
如查詢後想要回股票(可能上市公司已改了名)，
就要到遺產承辦處拿取遺產承辦書，
而那個遺產繼承人要帶埋所有資料到過戶處轉回自己名才可以放的。
(所指資料是死者的股票、認股權証、遺產承辦書、自己身份証等)
若怕帶漏可打電話到過戶處查詢時再問一下。
股票轉名是要收手續費的，建議你計下那股票市值多少才轉名，
因有些股票賣了都沒有錢收，可能還要付買賣交易手續費。
過戶處電話：2862 8628
希望幫到你﹗


-------------------------------------------------------------------------
人地個答案（真係ｐｒｏ好多～唔怕唔識貨，最怕貨比貨）
起碼我個人就有咁感覺。如果你唔股，你問問其他網友呀？
--------------------------------------------------------------------------

以一般市民而言，前面位朋友都算「有見識」。可惜，有幾點地方不正確，令
我「一時技癢」，忍不住要「出手相助」。

首先，上市公司股票過戶／登記處不止一間，而前面位朋友提供的只是「中央
證劵登記有限公司」的電話。好多小市民都因其服務匯豐銀行等多間「大藍籌
公司」，誤以為它是香港最大的『股票登記處』，甚至唯一的『股票登記處』。

其實，以服務的上市公司數目計算，香港最大的『股票登記處』是『卓佳專業
商務有限公司』，可參考該公司網頁：www.tricor.com.hk；或Yahoo知識＋：
http://hk.knowledge.yahoo.com/question/?qid=7006121000572（該公司旗下
有七間附屬過戶處，共服務本港約70％的上市公司。）由於改名、改組、收購
合併以致私有化、除牌等活動多屬規模較小型之上市公司；因此，這位朋友的
『問題股票』以『卓佳』為過戶登記處的機會，遠較以『中央』為高。
---------------------------------------------------------------------------------------------

＊正確做法是：

(1) 每張股票、股息單之下方，以至有關公司年報中，都會列明其「股票過戶
　／登記處」，應直接聯絡正確之過戶／登記處，方能了解該股票現況。有
　關過戶／登記處之最新聯絡資料，可參閱「聯交所」網頁：
　http://www.hkex.com.hk/markdata/markstat/rpt_registrars_c.html　或
　http://hk.knowledge.yahoo.com/question/?qid=7006121104486

(2) 由於「個人資料（私隱）條例」的限制，任何第三者的股權查詢，都必須
　具備離世股東的死亡証明書，查詢人與該股東的關係証明（如結婚証書，
　出世紙，經認証之遺囑等），如無代表律師，則查詢人須要提供其本人之身
　份証明～身份証、護照等。
　
　因為在香港之股份過戶登記，不須股東一定提供身份証資料，故查詢時，過
　戶處多數會要求查詢人提供離世股東的登記地址，或有關股票的編號以作確
　認，方會提供全面的股權登記資料。務請留意。

(3) 一般而言，如查詢人並無代表律師，而且是離世股東的直系親屬，並能提供
　其本人之身份証明及上述之資料，過戶處是會豁免有關的股權查冊收費的。
　否則，須就有關查詢收取每間上市公司計，百多至數百港元的查冊費，費用
　因不同過戶處而有別。另外，過戶處會收取遺產承繼人每張股票計HK$2.50
　之股票過戶登記費用。

(4) 股權查証後，可依據過戶登記處提供之資料，向香港稅務局登記有關遺產，
　並以此向「高等法院～遺產承辦處」申辦「遺囑認証」或「遺產管理書」。
　詳見「高等法院～遺產承辦處」之有關網頁：
　http://www.judiciary.gov.hk/tc/crt_services/pphlt/html/probate.htm

　由於，2006年2月11日或之後去世的人士的遺產「無須繳納香港遺產稅」，
　有關人士可以簡易方式申請管理遺產、遺產承辦書，或在香港以外的法院發
　出的遺產承辦書蓋章之前，管理遺產。新的機制旨在保障遺產受益人的合法
　權益。有關的條文載於《遺囑認證及遺產管理條例》( 香港法例第10 章) 第
　60A 至第60K 條。亦可參閱「香港政府資訊中心、遺產受益人支援服務」：
　http://www.hab.gov.hk/estates/tc/index.htm　及「香港稅務局」有關網頁：
　http://www.ird.gov.hk/chi/tax/edu.htm
參考資料:
本人為香港少數的股票過戶處、專責遺產承辦人仕之一

必須待「高等法院～遺產承辦處」發出「遺囑認証書」或「遺產管理書」後，
方能據此辨理離世股東的股份轉讓。過戶處會收取遺產承繼人，每張股票計
HK$2.50之股票過戶登記費用 ，及每間上市公司計HK$5之認証登記費。
補充時間：2007-01-03 0:39

－－－－－－－－－－－－－－－－－－－－－－－－－－－
發問者評價:
分別好明顯，最佳答案你當之無愧。不過都好多謝第一位朋友幫忙。

P.S. 我解決問題了～隻『問題股票』個過戶登記處真係『卓佳』呀！好多謝你
　　專業意見！雖然合過股又遷過冊，但都值番萬幾銀，算係咁啦。所以襯個
　　市仲幾好，我會快快辦手續喇！多謝！唔知日後會唔會由你同我做承辦手
　　續呢？

2007-01-05 19:29:18 補充：
＊＊技不如人，你都算輸得抵啦！重亂咁「唱人」！！我試過比遲過我答題的人，改我少少野，又加少少色做Highlight，成份copy我，咁就俾ｄ睇唔真問題的網友，票選左佢第一（重係只輸２票）。咁我唔通要「死鬼左佢」？！＊＊你咁「睇唔開」，我都知你一定唔會選我做（最佳答案），但見你亂咁「唱人」，唔抵得入黎點醒下你遮！！各位Yahoo朋友仔，你地話係唔係呀？

其實佢要做呢啲嘢
你都控制唔到佢

如果你發現有人做呢種事
你可以去檢舉佢
我之前都有發生呢種事
最後我選擇了檢舉佢

分數係儲的
佢要咁做就係佢的性格
我們這些盡力幫有需要的人就得啦

分數祗是虛名,無乜作為,咪當温故知新,學多樣嘢囉!

我見到好似有個"檢舉"功能,你試下"檢舉"佢,睇下yahoo可唔可以改做自己唔可以答自己出既問題。