✔ 最佳答案
唔駛比信佢睇,只要記住大約係邊度就可以。入境時填表要寫住邊,你將地址寫上去。到時入境個官問你問題通常係:黎美國做咩?打算去邊個城市, 打算住邊?你嘅答案只要合理, Consistent 就得,佢唔會做偵探逐樣搵證據。你單身女仔,目的地底特律,若果唔係公司開會或Training,一定係探親啦,如其等佢問你探邊個;不如開口就直接同佢講,你要探男朋友,因為好耐冇見...佢可能會問:你男朋友係美國做緊咩?你咪照實答,佢係U Mich 讀緊博士,或者,係GM 做野。佢問你打算探幾耐,你咪可以好順理成章咁話,我得一個月假期,所以打算探一個月...移民官都係人,Midwest 人又好有人情味,佢明白嘅,咁咪冇問題囉。
所以,唔駛緊張,隨非你打算做違反簽證條件嘅事(例如:入境後轉做學生,結婚申請綠卡等),照直講就得。講大話反而令佢懷疑你。
仲有,千祈唔好同佢講話探兩星期,然後改機票。911後收緊入境,如果你話兩星期,個官好可能真係比你兩星期逗留。若果你兩星期後逾期唔走以後再入境可能會有問題。美國只管入不管出係以前嘅事,而家外國人係出入都有電腦紀錄。