新華係咪咁嫁??

我都跟過新華幾次，分別去過泰國、日本(東京)、韓國。一般0來講佢地團費都比其他平(以相同航班及酒店級數比)，而且同信用咭公司合作，最高好似可以每位平$500-600，好著數。
第一次跟新華係去韓國，因為我地要指定日期出發，所以得返永x同新華有團0岩，而且距離出發不足10日，永x騙我地成左團，心想永x好似較大公司會好d，便一次比0西錢，第二日佢call我地話唔成團，叫我地轉第二個貴d的團或者退款，我地選了退款，之後別無他選便過了新華，行程食宿都ok，價錢只是貴永x$100，但比其他旅行社平幾百。該次遇到的領隊和導遊都好好，雖然我地全團得10人，但都沒有馬虎了事，夜晚都陪我地去吃了好多地道美食。
第二次跟去泰國中價團，普普通通啦，可能以前跟第二間去過豪華團有比較，不過真係食得唔係咁好，住都OK。
第三次跟去日本就不知所謂，坐counter的不熟悉酒店位置，說酒店離shopping地方行5-10分鐘，睇見好吸引而且唔洗係咁去一些觀景行程，點知我地同其他數位團友均被誤導而join左，原來同名的酒店有兩間，但不同地區，我地係車程個幾鐘那間啊，同埋佢地有所謂的"日本專業導遊"由香港跟團出發，上次個茂理(唔記得叫咩名，但永遠都認得佢)完全唔熟地方，我地帶左本旅遊書問佢位置，佢都唔係太識答我地，同埋佢只關照幫佢訂零食的團友，住尾房已經算數，還迫我地自費上富士山，話好難得唔係咁大霧，點知我地同領隊傾開偈時先知團團都會上0來，佢話上左好多次，之前這位三八在車上同我地講話真係好靚好值得去，佢咁賣力，原來佢地本身係一pair，狗男女拍住一齊搵食。後悔返HK後冇投訴。
總扣來說，我覺得新華係要踫運氣睇下你遇到咩領隊。不過如你係去泰國，佢地有自己車、水，呢方面唔錯。
其他旅行社都跟過下，我會排康X、新華、東X遊、星X、永X。

之前跟新華去過韓國, 台灣, 馬來西亞都好好, 所以現在去旅行都會首選新華.
試過相同價錢去韓國
1) 聖誕29/12旺季跟新華食住都唔錯.
2) 淡季跟東x遊, 去完媽媽聲,