我男朋友係網上面識左一些（朋友），一個月左右之後佢提取了銀行內的所有存款，我發現左之後佢話同（朋友）搞生意，我問佢搞咩生意佢又唔肯講，只係話時機未成熟，又話佢依家搵到左自己的目標係搵錢黎唔駛佢媽媽甘辛苦，又話好快會買咩四咩俾我，叫我俾ｄ信心佢，甘我本身諗住佢最多咪俾人騙晒銀行果ｄ錢，點知佢ｄ（朋友）原來同佢去左幾間財務公司，借左幾廿萬黎去（搞生意），我知道之後又再問佢到底搞咩生意，佢都係唔肯講，話半年之內就可以返本，又話我對佢無信心，好似我好唔岩甘，我話我咩都唔知，點可以有信心，佢始終都係唔肯講
我想問下大家，有無試過有類似既情況發生係係地身上？
到底係咪俾人騙晒ｄ錢？
我點問佢都唔肯講，甘我點先可以知道佢搞緊咩呢？
我點勸佢都唔聽，好似中晒毒甘，點先可以令佢抽身出黎？
是不是被騙了？？
2007-01-03 10:27 pm
回答 (4)
2007-01-03 10:44 pm
✔ 最佳答案
初步估計 -- 係被騙了, 應該係比所謂的朋友搵左去做傳銷之類的工作你男朋友十分不智. 用晒自已的錢已經算了, 最多儲過, 問題不大, 但去幾間財務借幾十萬做生意, 仲要話半年返本. 香港仲會有窮人咩??? 咁大既投資都唔同屋企人和你商量, 好明顯就係 d 朋友叫佢唔好同人講, 因為你地一定叫佢唔好去嘛... 好明顯佢已經比人洗腦, 中晒傳銷毒. 幾十萬入晒貨, 發現賣唔出, 佢自己會醒, 然後所謂朋友唔見晒了.
你留意下佢近來有沒有講野好大口氣, 話要買咩買咩, 話人生有咩目標, 打工冇咩前途, 事業係我手中, 諸如此類的口頭禈. 而且晚上 7 - 9 點通常唔得閒, 問佢去邊又唔講. 成日有 d 不明電話.. 如果中晒既, 佢好大機會做緊傳銷
佢唔會聽你講架啦. 你應該馬上同佢屋企人講, 兩邊一齊問清楚咩事. 大拿拿幾十萬, 蝕晒邊個同佢還, 一係屋企還, 一係破產... 所以依件事並唔係佢自己既事, 而係你地全部人既事了. 因此快 d 同佢屋企人講, 勸得到當然好. 勸唔到既, 你真係早走早著. 我唔係話你係 d 嫌男朋友冇錢既人, 而係咁大投資都唔同你商量, 可見你係佢心目中冇咩地位...
2007-01-03 15:48:31 補充：
冇咩點算的, 中左傳銷毒既, 真係要等蝕晒錢後, 就自己會醒. 冇錯, 你話比佢屋企人聽, 佢會發你脾氣, 但你小心諗深一層, 你想佢現在發你脾氣, 定係等多幾個月, 佢蝕晒幾十萬, 要破產先攪得掂. 兩者揀一, 你揀邊樣?? 依件事已經唔係你同佢既事, 因為佢既事一定會影響佢屋企人, 甚至所有朋友. 到時個個都會怪你點解唔早 d 通知佢地, 等你男朋友繼續沉淪下去
2007-01-03 15:48:42 補充：
冇錯, 你怕會分手. 但係如果你唔通知佢屋企, 你只會得返一個欠人周身債, 分分鐘被追數, 冇晒自信心既男人. 同條咸魚有咩分別 !!!唔好等啦, 真係會死人的. 我有朋友 6 年前借 credit card 10 萬做傳銷, 到現在都還未翻身 !!! 除非你預左一世跟佢捱窮, 咁你就由得佢玩吧...
2007-01-03 11:27 pm
傳銷!
100%啃定,仲要啃定妳男朋友
一係人際圈子細,
一係年紀仲細,
一係岩岩讀完書,
出黎做野唔夠3年.
因為呢d人係傳銷市場睇中既豬肉.
2007-01-03 15:28:28 補充：
$64,000定咩先?真係手尾長.
100%啃定,仲要啃定妳男朋友
一係人際圈子細,
一係年紀仲細,
一係岩岩讀完書,
出黎做野唔夠3年.
因為呢d人係傳銷市場睇中既豬肉.
2007-01-03 15:28:28 補充：
$64,000定咩先?真係手尾長.
參考: 傳銷
2007-01-03 10:59 pm
yes,你被騙了
2007-01-03 10:35 pm
可能係傳銷果D衰野。
check下佢上咩網同咩人講啦。
check下佢上咩網同咩人講啦。
收錄日期: 2021-04-12 18:28:47
原文連結 [永久失效]:
https://hk.answers.yahoo.com/question/index?qid=20070103000051KK01733