點解青山公路冇巴士出旺角???咁唔方便

睇完上面班大哥講既野之後, 肯定全部都唔係青山公路居民!
而家青山公路沿線至少有十多個屋苑, 加埋到燒烤場同黃金海岸既遊客, 52X/61M巴士服務直情可以用告急黎形容! 現時青山公路出油尖旺唯一途徑係搭52X轉乘33A/37同埋61M轉乘234X, 但係需要既交通時間都超過1.5小時, 而且客量更不斷增長.
假如運輸署/巴士公司認為延長52X同252B改全日不切實際, 咁唔該解釋下沙田線--屯門線已經有轉乘, 點解仲開263? 而且52X成功延長的話, 係會行上海街, 而252B會改行荔橋, 絕冇重疊!
屯門所有區域都有巴士出油尖旺, 唯獨青山公路冇, 唔通青公居民全部唔出MK? 唔去尖沙咀? 過聖誕除夕倒數完全冇青公居民份乎? 另外話青山公路居民少, 更加唔成立! 齋睇962, 唔夠車加班次再加班次, 再開962S, 仲唔夠開埋962B都唔掂! 咁青山公路真係少人得可憐咯!
再再再講如果單靠紅色小巴, 不如運輸署索性將元朗--佐敦道小巴改做專線小巴, 行車時間穩定之餘, 更可以解決黑社會霸佔小巴站問題, 又可以變相令50重生, 一舉三得!

2007-01-03 23:04:33 補充：
個人經驗坐紅色小巴由黃金海岸出佐敦道要用2個小時! 沿青山公路到荃灣入福來村再經大河道沿青山道入大連排道塞40分鐘車出葵吊涌道入荔枝角道再轉大南街又出荔枝角道轉上海街, 開開停停兼等客, 仲收天價$16! 夠膽叫青山公路居民靠小巴既人真係要試試!

大佬, 只係要求52x出旺角啫,又無話"一定"要出到尖沙咀, 而家只去到深水埗,到喉唔到肺。若果周圍都轉車的話,35A同41A就唔駛十幾年前搬去尖東啦!!

如果換個角度, 假如你係9巴o既老細, 你就會覺得呢樣野好正常

因為就算計晒三聖, 掃管笏, 黃金海岸, 小欖, 大欖, 青龍頭, 深井, 甚至汀九咁多地方加埋o既客量, 隨時都未必夠屯門區內兩, 三個相連o既大型公共屋村/苑**o既客量, 即係話, 一開直出旺角o既路線, 擺明就勁蝕錢, 咁俾你係老細, 你會做蝕本生意咩??

**例如 58m, 58x服務田景, 良景, 建生, 新圍幾個屋村/苑
59a, 59m, 59x服務湖景, 蝴蝶, 美樂, 悅湖, 龍門居幾個屋村/苑
60m, 60x服務安定, 友愛, 翠寧, 兆麟幾個屋村/苑

p.s.: 如果我數漏左o的屋村/屋苑, 唔好意思, 請多多包涵

因為好小人住係三聖邨,而且巴士公司如果開條線來往屯門至旺角,都幾貴,諗:咁貴,我諗都好小人搭 所以冇巴士出旺角

真係沒有！請你詢問巴士公司。

屯門兆置、青山公路區之區議會曾向運輸署提出要求52X延長至奧運站及252B改為全日服務之要求，而根據Take Me Home報導，此兩建議會成為07年交通大計之考慮重點之一。

我個人認為，52X延至奧運站的成數很低，因為這幾年巴士公司主張減少路線重疊，盡量以轉乘計劃取代。
其實於2004年2月8日開始，61M投入服務，亦加入與33A/37之轉乘計劃已解決青山公路往旺角的問題，初時計劃此轉乘計劃只會維持六個月，及後再延期六個月，最後於8/2/2005開始將61M<-->33A/37之轉乘計劃改為永久。
而61M轉乘33A/37之最高車費為$9.2，比52X還多
個人意見︰如果52X延至奧運站，車費則會增加，(同類車車費為$10.7，就算52X行經青山公路，最少都要改為全程$10.2)，轉乘在大城市是少不免的…你搭地鐵環遊全個香港都冇可能唔轉車。
如果252B全日服務及改經西九龍走廊的話，52X延長至奧運站之計劃完全可以告消，因為會與252B路線重疊。

2007-01-04 18:49:55 補充：
我想講，962 爆呢…係因為龍門居/屯門碼頭區有客　962S是為服務置樂，但不想單單服務置樂就上屯門公路，所以經埋大欖。而962B，空車來空車去，在黃金海岸、大欖、置樂上車的居民差不多班班都少於10，962B是服務青龍頭、深井，而o係青山公路大欖至青山灣段只有置樂花園可以做總站，所以順手服務埋黃金。往沙田之轉乘計劃是比263投入服務早的，263R乘客爭取至263 only。263都20幾分鐘先一班車…度度都有車去旺角就代表青山公路都要…？

巴士公司和van合作ar ma.分$ &lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;&lt;個人意見如有不竀 sorry

Because not too much people live there
we can go to 荃灣 and take other 交通公具 to 旺角.

2007-01-02 17:17:16 補充：
or go to 屯門 and take other 交通公具 to 旺角.

暫時都真係冇喔, 都係得小巴。

要搭巴士只可以坐 52x 到荔枝角 或長沙灣轉車去旺角啦