考車牌前須注意的事情及程序是如何的?手動Van仔牌

我可以比一d自己既經驗同意見....
如果糸香港用最平既方法,應該係咁...

自己去運輸處報筆試,大約係1200蚊到,500蚊係出一個叫做L牌比你(個樣同車牌差唔多一樣的),六百幾蚊係考試費連路票.佢到時會比本"書仔"你,入面係有關路牌介紹同基本既交通規則,基本上你前一兩晚臨訓前睇一睇都無咩大問題,係有d好少接觸到既問題例如酒精含量幾多先超標,咩情況扣分扣幾多,裝貨既貨物唔可以超出車頭車尾幾多長度咁...睇過一次之後去考,20條MC,唔可以錯多過4條,20題裏面通常9條以上都係路牌題.
做完之後糸出面等嗌名,知道PASS左會即刻出張路票比你,入面寫住你個名,糸大約3個月之後糸邊到考,時間地點,寫得好清楚的.
糸呢段時間你就開始搵出面D師父教車,收錢食逐個鐘頭計,所以又要叫"操鐘",公價大約120至150蚊個鐘到,但其實一個鐘,實教你45分鐘的.如果搵出面既師父,你學幾多個鐘都好,佢都會FORCE你一定要糸o個個試場到不停係咁練乙部丙部(乙即調頭泊位,丙為路試),練到你認為麻木哂,合埋眼都知有咩要注意,就好似背formula咁.通常一般黎講就操30-40個鐘到就去考,當然師父會因應你既進度啦.但聽講駕駛學院就自由度大好多,比你自選學車路線,學車時自然比較輕鬆同有趣,但相對亦會對自己考車路線無咁熟悉,同埋肯定貴過"搵師父"好多.

到考o個日,要比大約500-700蚊租車考牌費,妳好好彩一take pass,跟住佢會出張合格紙你,你7日之後拎住張紙同你個L牌,再加900蚊上返運輸處,佢就會出一張真既10年車牌比你.係咁簡單.

我自己就咁既,
$1200(運輸處)+(100蚊x30hours)+租車費500蚊+900蚊(出牌費)=5600蚊.~算係平架喇應該.

糸到再比個tips你~
有時搵邊個師父學車,其實唔好信咩信心保證,又或者咩老字號,學車最緊要睇自己本身既判斷力,師父好但唔一定岩自己,所以如果搵師父就最好搵d相熟既朋友介紹,一來有得平,二來可以聽取朋友意見.

仲有~如果係揀駕駛學院,佢既免費考到你合格為止呢樣野,你要問清楚.