psp係咪唔得啦 (20分)

我就覺得PSP冇咩問題喇，基本上兩者所支持既玩家都唔同既，打個例子：我女朋友o係機場度做既，當放break時個個都拎部機出黎玩，好特別既係男仔就玩PSP；女仔就玩NDSL，其實點解會咁呢？NDSL就好似以前D GBC、GBA果D咁，出果d GAME係容量少、遊戲性高、畫面唔算太靚，但對女仔黎講畫面靚唔靚唔重要，最緊要好玩同簡單易玩，玩PSP需要搞ISO果D野對佢地黎講實在太複雜，而且PSP都好少可愛類型既GAME(係有，eg:太鼓、捉馬嬲等等，不過太少)，而男仔方面，睇戲、睇歌、打機等等絕對係男人既天性，PSP呢部流動影院當然吸引男性捧場，而PSP既遊戲方面，畫面絕對係比起NDSL有過之而無不及，好多男仔都係睇中PSP畫面質素靚而買(我也是其中之一)

你放心好了，PSP係唔會咁快玩完既，不斷更新有更多功能，只係D人玩ISO唔肯更新唔知道佢既好處姐，千零蚊買部野黎聽歌、睇戲、打機，即使唔用黎打機，買黎睇戲同聽歌都抵啦。

再者，遊戲機呢家野日日新，你冇可能會等到佢有LAST一部遊戲機咁架，如果有就唔會有進步既空間架喇，PSP會有下一代；NDSL亦都會有下一代，我覺得你決定買遊戲機唔好係為左想買而買囉，真係諗清楚係咪適合自己先好買，如果真係有GAME係好鍾意既，仲洗咩諗咁多呢^^? 唔知你仲記唔記得Bandai 出過一部遊戲機叫wonderswan呢? 當初我睇中佢隻數碼暴龍GAME而買機，其後都出左幾隻正GAME，不過後來因為唔夠其他機競爭而冇再出LU，其實我都冇後悔過買左，因為我係為自己鍾意玩既GAME而買，已經盡興而回啦^^

下面比多個PSP同NDSL既比較俾你，希望你/你個朋友可以買到自己既心頭好啦巴打！


首先，希望大家可以放開懷抱對待兩部機，記住，你唔係幫老任、SONY打工，無必要
對佢地死忠亦無必要敵視任何一方，作為玩家只需了解邊部機俾到自己快樂已經足夠。


【主機美觀度】PSP：10分／NDS：5分
PSP外形時尚美觀，加上第一眼就望到佢個大芒，任何人見到都一定心動；相比之下
NDS外形似足一部字典機，雖然唔算好核突，但PSP予人既第一印象實在優勝太多。


【畫面華麗度】PSP：10分／NDS：6分
PSP個芒又大又16:9，NDS完全無得比。其實NDS雙螢幕有咁既大細已經唔差，但缺點
係可視角度非常低，坐你隔離果個根本睇唔到你玩乜，另外響陽光底下玩NDS，基本
上係完全睇唔到畫面(反光太嚴重)。不過，PSP既死／光點問題又比NDS嚴重極多，基
本上要買到一部完全無死／光點既PSP，真係要非常好手氣，另外根據大多數用家經
驗，PSP既死／光點會「自然、普遍地」於短時間內極速浦頭，個Q.C.真係差到......
如果非常介意死／光點，可自行扣除2分。


【聲音】PSP：7分／NDS：6分
其實平時玩遊戲的話，兩部機既聲音質素都係合格有餘，最低限度叫做有立體聲，
但一般而言PSP遊戲會比較「靚聲」和「大聲」。不過你打算用PSP聽MP3的話，最
好考慮清楚，同樣聽MP3，同樣用喇叭出聲，筆者部NOKIA 6230i(手提電話)都比PSP
靚聲。當然比起NDS總算係聊勝於無。如果追求靚聲的話，都係戴耳筒先玩啦！兩
部機個喇叭都唔係咩好貨色。


【操控】PSP：3分／NDS：9分
你無睇錯，我無講錯，PSP既操控手感只可以用「垃圾」唻形容！除左部機本身無NDS
咁好「渣」之外，佢個死人十字掣真係夠晒「十字」，基本上只可以順利感應到↑↓
←→四個方向，一用到「斜位」就感應不良，由此衍生一個極大問題....... 如果你玩賽

車、麻將、RPG之類唔需要按「斜位」既遊戲，個操控係OK，但一玩動作、格鬥、射
擊、足球等遊戲時，真係玩到無名火起！你可以想像玩高達時無法打斜走、玩格鬥時
「CHOK」唔到招、玩射擊時無得打斜飛、玩Winning時無得走斜線既凄絕慘況嗎？無
錯PSP另備Analog掣一粒，但果粒野既手感都唔好得去邊(位置太低)，仲要唔好忘記唔
係隻隻game都支援Analog。NDS響呢方面就優勝太多，佢個十字掣其實都唔算太好按
(比起GBA、GBASP而言係差左)，LR兩粒掣特別唔就手，不過點都唔會衰到「操控困
難」先，基本上玩乜遊戲都無大問題，另外要盛讚佢個Touch Screen，佢可以發揮比
滑鼠更加便利／直感既操控性，配合十字掣及咪高峰，可衍生出無限個具創意既遊戲。


【便攜及保養性】PSP：5分／NDS：7分
其實兩部機既體積都屬於「偏大」，筆者認為史上最佳大細既手提機仍然係GBASP，
入落衫／褲袋就行得，呢兩部野拎出街時要突登搵野袋住都幾煩！不過NDS既便攜及
保養性一定比PSP好，因為佢係「摺機」，基本上摺埋佢就可以放入袋，個機殼唔算
太易花，但係PSP就一定要另備機套／機袋，否則行街「鄧」兩「鄧」之後個芒一定
花到阿媽都唔認得，肉赤死。


【讀取時間】PSP：3-6分(視乎遊戲)／NDS：10分
大家拎得部機出街玩，多數都係為左搭車時「攝時間」吧？不過香港地咁細，你搭車
搭得幾耐？通常15-30分鐘就落車／轉車，點樣響咁短時間入面盡情享受遊戲樂趣，係
筆者非常重視既一點，呢方面NDS可以話係完美，由於佢係用「卡帶」作儲存媒介，
一般遊戲時根本無所謂Loading Time，只係間中有遊戲阻你兩、三秒儲存遊戲進度，玩
家可以將99.9%既時間放響玩遊戲方面。相比之下，PSP就顯得非常慘烈，由於佢係用
一種叫「UMD」既光碟作儲存媒介，基本上遊玩中途要不斷Load Load Load Load
Load...
好多時真係LOAD多過玩！情況比家用的PlayStation更為嚴重。如果你經常坐短途車，
絕對唔建議玩PSP，因為你LOAD到入標題畫面可能已經落車了！但當然每隻遊戲所須
既Loading時間都有分別，不過客觀唻睇普遍都係唔理想，入game時LOAD十幾秒係平常
事，每關之間再LOAD你十幾秒都係好正常，仲未計遊戲儲存進度時又額外俾多十幾秒
你嘆...... 奉勸大家購買任何遊戲之前，最好先問人隻GAME既LOADING問題嚴唔嚴重，
陣間買左好似WINNING咁既LOAD碟王，夠膽死LOAD你三、四十秒先開到波既真係喊
都無謂。當然PSP係有「邪道」方法大幅減低讀碟時間，但呢點就唔納入討論範圍了。


【遊戲外功能】PSP：6分／NDS：3分
PSP除左用唻玩遊戲之外，仲可以睇相、睇戲、聽MP3，筆者覺得當PSP係相簿咁用係
非常唔錯既選擇，因為佢個芒顯示能力真係好好(唔計死／光點的話)，而且夠晒大，
用唻當相簿做DISPLAY，同睇3R相無乜分別，抵讚！但係用唻睇戲、聽MP3就有些少
搵笨既感覺，先講睇戲，我諗香港地根本無幾多人會買價錢昂貴(比DVD更貴)、無中
文字幕既UMD影碟吧？大部份人只會將影片存放響記憶卡上播放，遺憾既係PSP只支
援MP4格式既影片，解像度仲要有限制，換言之9成9既影片響載入PSP之前，都要先
用個人電腦花大量時間「轉格式」，就算你部電腦幾快都好，一般「轉格式」所需既
時間都比段影片本身更長，攪一大輪先拎得出街睇，點解唔響屋企睇左佢算？至於聽
MP3，上文已經提過佢既喇叭音質連手提電話都比唔上，另插耳筒音質係會好好多，
但如果一心當PSP係MP3機用會唔會傻左少少？你打算將部PSP掛頸嗎？至於NDS就完
全唔支援多媒體功能(其實可另購PLAYYAN增加多媒體功能，但價錢太貴絕不化算)，
只係內置一個無聊既「繪圖CHATROOM」以及鬧鐘功能(呢個就幾實用)。


【遊戲創意】PSP：1分／NDS：9分
由於PSP係完全沿用十字掣、LR掣、Analog掣作為操控媒介，因此理論上PSP係絕對玩
唔到「家用機都無得玩」既新類型遊戲，另因為開發「華麗遊戲」既成本太高及「邪道
猖獗」等影響，願意投資為PSP開發原創作品既廠商可謂萬中無一，睇一睇PSP個GAME
LIST，好多根本係PS1舊作或PS2 DownGrade移植作，毫無新意可言！相反NDS設有雙螢
幕、咪高峰及Touch Screen，雖然呢一切都唔係乜野劃時代新科技(液晶體時代已有雙螢

幕遊戲機、紅白機已經有咪高峰、PDA都一早用緊Touch Screen)，但呢三樣野融合後發
揮既化學作用實在太大啦！只要遊戲廠商夠創意，佢就可以開發出無數個「家用機都無
得玩」既遊戲，尤其NDS遊戲唔用聲光效果作賣點，開發新遊戲所投入既資金遠比PSP
低，風險細，廠商亦更放心開發新類型／系列遊戲，現時NDS好多遊戲都俾到「老機
迷」新鮮感，甚至好多無打機習慣既人(尤其女性)，都俾NDS既嶄新玩法所吸引，淨講
「創意」同「遊戲獨佔性」，NDS和PSP根本不可同日而語。

最後，其實玩遊戲係個人喜好，只要你鍾意，買邊部玩根本唔係問題，本文只係盡可能
客觀地分析兩部機既長／短處（筆者兩部機都有，理論上無必要偏袒吧？），幫助未買
機既人有個「買機前指南」，希望幫到大家啦！

我個人認為PSP出了很久,而且很多人已經玩到很悶,但NDS就唔同是06年3月先出,D遊戲開始好玩同埋有無線通迅,通迅是不用加錢的!
但這些都是我個人意見,買唔買都係你朋友決定,希望我的資料能夠幫到你的朋友啦!^ ^

你唔駛擔心
psp 一定得
經專家的意見psp係可以比任何人玩ga 你放心
psp 係一定得

psp好有信心啊!!!!
因為可以玩ms卡dgame
psp,gba game都得,又可以當vcd,mp3,上網,前途冇限好