究竟佢覺得我點?係鍾意?請出1d客觀意見..

你地相識幾耐呀？
好難就咁判斷究竟個男仔鍾唔鍾意你
其實
男仔都會好怕羞
好怕被 hurt
尤其對著令自己著迷的女仔
怕被拒絕啦
怕嚇親佢啦
怕令佢唔開心
所以有 d 男仔係感情事上面都顯得步步為營
如果大家識唔係好耐
男仔更加擔心自己行錯一步
令大家和諧的關係變質
怕個女仔從此唔行近佢

你話佢好少打俾你
可能係出師無名喎
如果佢係 d 好內儉的男仔
可以用咩藉口打俾你？
唔通打黎同你吹水？

至於做d好搞笑既野氹返你開心
我相信無咩男仔會花心機去氹一個自己唔著緊的女仔
花得心機就一定 care 你

我建議你俾 d signal 佢
1. 大小活動都借意同佢一組，多 d 藉口相約出黎做 project...令大家多 d 「甘苦與共」
2. 見到佢望著你，向佢溫柔咁微笑，咁可以俾 d 信心佢，同電死佢
3. 同佢講野溫柔 d ，俾佢覺得你對佢特別好
4. 用「你要減肥，盒飯食唔哂，叫佢幫手食少 d」 做藉口，一齊食 lunch

Don't
1. 同其他男仔大顛大肺，咁黎激佢，我係佢都憎死你
2. 表白，男仔收到你以上的 signal，好快有回音，如果無，就唔 love 你，咁表白黎做咩
3. 同其他人講你鐘意佢，原因係經驗話俾我地聽：d friend 專愈幫愈忙…

A1:FEEL YOU CAN HELP HIM
A2:LOVE YOU

FEELING:I AM YOUR COPY!

依你上面咁講, 其實都幾明顯地佢係對你有d 特別的~
我諗佢對你都有好感的, 唔係都唔會咁樣啦~
做同學仔, 就算有feel 都唔代表要打俾你..因為你地日日返學都可以見到~

佢覺得你點就真係無人會知.只有個男仔自己or佢d死黨會知囉..
不過..佢有d咁既行為.就算唔係鐘意你.都叫做有哂好感啦....係咪!!

夠薑既..就一野問佢係咪鐘意你..
一個唔覺意之下.或者傾傾下..講緊笑既時侯問..
衰左既話..(即係佢話唔係..)咪同佢講..你自己都驚佢有d誤會..好彩你話唔係渣....咁囉
又好落台..又可以問個明白..一舉兩得(^.^)

不過..如果你覺得自己係女仔..唔想做主動..想佢開聲既話..
就唯有要等下喇..但睇你打出黎佢對你咁...好感必然係有既..你大可放心..
客觀d既話..我都係讚成你等下先啦.佢應該係對你有d意思既..咪由得佢keep住咁對你先囉
話唔埋佢聽日就無啦啦同你講..佢鐘意左你好耐..不過唔知點同你講呢..係咪!!
暗戀..有時都係一種幸福黎既(^.^)

最後祝你蜜運成功..
唔駛再暗戀..
開開心心同佢一齊發展啦..
(^.^)~~希望幫到你~~