女朋友跟我分手了，我想跟她復合，有沒有可能？

後生仔，比大家冷靜下先好無？衝動同喊都解決唔到件事！我見到你咁，先出聲，睇下幫唔幫到你，青春唔好浪費，你做得無錯！佢唔理你，唔通你又唔理你將來既發展，剩係為佢，唔駛為你自己或者屋企人咁自私咩？

首先，你試試，堅強起來一星期，認真想想，你再同佢係埋一齊，你係咪可以照顧到佢？無事業，齋用把口呀？用個心話我好愛你就夠啦，夠飽架啦？同你地真係有將來，又來乜野來維持呀？而家唔計劃，點有將來？

出個sms比佢，話佢聽，你想同佢有將來，你做咁多野，係想為大家將來而計劃，唔想為一刻既感受，而不理會長遠既將來，為既，係大家將來永永遠遠，係實際既行動，唔只用把口講，要佢明白，感情除左用心、用語言之外，仲要行動。

如果佢接受唔到，咁就真係用時間慢慢等一下，女仔好多都係感性既動物，齋用感覺來判斷事物既真相，而且當局者迷，不如當考驗大家仲好！

最壞打算，同佢真係分開，佢只係思想仍未成熟，亦太自私咁完全要無時無刻咁擁有你，（不過佢唔算錯，只係大家準則唔同），現實生活上，係需要知識，不斷自我提升，佢唔識諗，唔等於你唔識，到真係有事既時候，佢又會一樣怪你學識不好，找不到再好的工！那時你又如何？

等大家淡的，出去搵朋友傾下計，諗無用架，開心的面對，愁眉苦面，咪一樣解決唔到，仲更加令自己煩腦，阻住自己個腦無時間諗解決方法！睇的笑片，多的同朋友玩下，吸收人家意見，見識多的，到佢真係想分手時，分囉，你改到咩？而家都唔能夠過到，將來生埋仔女點過？咪仲大獲？人生中好多regret，盡左能力，總算問心無愧，唔開心就預左架啦，盡可能克服佢！

男人，事實上真係要面對好多壓力，慢慢去解決佢，又無話邊個無邊個會死既，唔一定架喎，除非你敢同我講，你同佢只有開心既野，從來一樣都無唔開心既事發生過！

至於你話想再同佢一齊，如果決定左，根本無話有方程式講幾時係一個準則，只係半個月，你就覺得耐，係你感覺話比自己聽，需要幾耐時間就真，你唔想超過兩星期，你已經將呢個設定為最基本目標，不如你諗下，如果你想救既話，你覺得想用幾多時間救，來換咁多年感情，邊樣值得好吧！係咪？

努力啦，女仔係咁架啦！

我地都 知你仲好愛她...但愛未必一定要在一起. 不如你問下自己, 你們是否適合一起? 在一起會否勉強? 在分手這段時間, 她有沒有比以前開心或relax?
既然你都話大家的觀點有分歧, 感快再一起未必會係好事, 仲有可能又再分手, 到那個時候連fd都無得做. 不如現在先做住fd, 比大家多點時間認識和改變.

你可以做既唔係冇,,,
有既,,,
你女朋友都係因為你冷洛佢,,佢先同你分開,,,
如果你真係仲好愛佢既話,,,,
你知道佢鍾意d咩嗎??
你試下買樣佢好like既野送比佢,,,
你仲要多返同佢傾計,,
令佢對你有返安全感,,,
一個女仔好易亂諗野,,,
但係又好易比你哄返,,,
so係好難估到佢地係到諗緊咩,,,,
但係你同佢真係相處得好既話呢件事唔會再發生,,,
祝你成功!!!

我認為你唔好再等啦~直接追佢啦
佢喊得咁勁~我諗佢仲好愛你
觀點有分歧唔應該係分手的理由
只要兩個人相愛~呢方面可以互相遷就的!

你分析得很恰當...冷落了女朋友，她要跟我分開了
我認為這也是她想分手的原因~
令她覺得她在你心目中是毫無重要的
你冷落她時~相信她也哭了很多
她孤獨一個承受這痛苦,是速成她想離開你的原因
她想得到解脫嘛!而你對兩人之間的關係好像愛你不理

她堅持是因為她害怕會長期下去也是不快樂的
其實她是很脆弱的
只要你堅持
堅持不分開
堅持一起
擺出大男人主義
我相信她會很受落的
要記住她是一個很害怕孤獨的人
即使你有多忙
也不要忘記慰藉她的心靈

你有冇聽過基仔既'愛得太遲',愛一個人都要及時去愛,唔係就會失去,與其你無心工作及學業,就趁現時重新追求她

有可能，因為你們分手不關第三者事！拍左幾耐呀你們，有無兩三年呀？一定有復合的可能的，不要等了，是時候行動了！但你要做返啲野囉…雖說你和他而家做返朋友，但你要做返平時你和他仍是男女朋友要做的事，就係星期六日約佢出嚟，食飯行街睇戲，約多幾次，佢又肯出既話，你們復合的機會就更大了。你話你進修冷落你女友，佢頂唔順被忽視，無安全感先同你分手啫…咁你就做返你男友應做的事，重視返佢，就算見唔到佢都打電話報到，上緊堂打唔到電話咪send sms，佢需要你是你要立即俾佢找到你，上緊堂唔可以打電話，你都要send sms話佢先你上先堂會好快打返俾佢，等佢覺得你好重視佢。而家你可以做既，就係照約佢出街，唔敢打電話就send sms關心佢，又有意無意咁暗示你好在乎佢，你唔會因進修而再忽視佢，話無左佢既日子先知道你不能失去她，佢對你嚟講好重要。

有是缘分是天定的,您要是做一些勉强的事,也不一定会有好结果.顺其自然吧. 现在您要专注在学业和事业方面,说不定他日您会发现现在烦恼的是不必要的.
不要想太多吧.

做人要果斷,你一係跟她復合,一係進修,否則你會一無 x有!