愛情路上迷途了…

其實你一開始就應該講話因為唔想影響學業所以分開，一來佢會體諒，二來你地可以維持好朋友關係，互相扶持，一直學業方面習慣，最後兩者兼顧。可惜，你冇解釋到，咁佢又點會服呢？加上你又同第二個男仔玩「示愛」（得罪d講句...點會拎呢d野玩架 容易令旁人誤會 以後唔好玩呢d曖昧野），佢自然順理成章以為你以前唔講係因為你有左第二個，唔想hurt佢所以唔講。咁就出事喇。佢依家咁憎你，處處針對你，講野傷害你，都係可以理解既，亦都證明佢當初鍾意得你好深。希望呢次教訓令你以後唔好重複犯錯。
講番正題，我認為你依家要做既就係講番成件事既始末。
咩橋都斷晒，點講俾佢聽？
ＭＳＮ就話封鎖左你姐，MSN個Ｅ貓仲可以用嘛，同埋每次登入佢都會提示有新郵件，咁就應該可以令到佢睇你既解釋喇（當然你封野既標題要吸引佢去睇）內容亦要真，多Ｄ從佢既角度睇下你講既每一句佢會唔會接受到，唔好俾佢覺得你係講大話。同埋你要講你心裡面既感受佢聽，真心Ｄ就自然會真。信裡面要講到，唔理佢有冇新歡，總之只係希望佢原諒你，最後祝佢搵到自己既真愛咁就算喇。唔好同佢係番埋一齊，因為你咁辛苦先能夠抽身專注學業，唔應該前功盡棄。
愛既反面就係恨？
其實愛既反面本身唔會咁負面。令佢不愛就恨係因為佢以為你恨佢所以先同佢分手，咁佢自然就無需同你客氣喇。正常既男女朋友分手都係因為唔夾，但係大家都會做番好朋友／普通朋友，因為會唔捨得，好想間中感覺下對方既關心，可惜因為你咁決絕，令大家冇朋友做。所以以後做咩都好，第一係要有理由，第二係做每樣野都要先設身處地，諗下人地會有咩反應先，如果唔係就成日撞板喇。
同佢解釋完之後大家做番朋友，冰釋前嫌後，就專心學業，唔好再煩呢ｄ感情事喇。
祝新一年事事如意，學業進步！

你應該主動同佢講：
「我以前咁對你，好對唔住呀，我直到依家都依然係咁鍾意你架，你可唔可以再次接受我？」

你 應 該 同 佢 講 清 楚 ..
話 你 點 解 要 同 佢 分 手 !
你 唔 講 清 楚 咁 樣 真 係 好 傷 佢 心 囉 -v-

咁就更加應該同佢講至岩。佢憎你即係代表你好愛你。如果你係真心鐘意佢，好想同佢一齊，就應該爭取自己既幸福。而且我相信佢咁做係想吸引你既注意，其實你有冇諗過佢仲係好傷心？如果你同佢講，佢一定會好開心。咁樣對大家都會舒服d 啦。

你同佢表明返你嘅心意啦！我想佢應該會原諒你．其實愛情唔一定會影響到學業，只要好好運用時間，咁就可以一舉兩得





祝你能夠同佢和好如初