緊急 膝頭有事 踢波受傷 唔知咩事

屈唔到膝咁大劑?
你睇嘅西醫，係唔係骨科，有冇照X光，唔係骨科，冇照X光，嗱嗱林去做，膝傷可大可小。如果你上次睇嘅係骨科醫生，你應該記住佢斷症嘅內容，好過而家估估下。
X光係照啲骨有冇事，相對MRI(磁力共振)平好多，MRI用嚟check軟組織(筋腱之類)，私人lab做一隻腳要過5,000蚊，公立醫院要排幾個月至半年。
滕頭哥最大劑不外乎兩瓣:十字靱帶撕裂同半月板受損。
十字靱帶撕裂好易知，受傷嗰下，隻腳被拗成不合理角度；聽到啪一聲，痛不欲生，踉住滕頭哥腫哂，但诮腫後行路冇問題，不過唔做得運動，尤其足球，要踢番波一定要做手術。
半月板受損嘅話，冇十字靱蒂撕裂咁痛，但都係滕頭哥腫哂，徵狀係腳唔能夠完全伸直，同埋屆滕時頂住屈唔哂，要踢番波一定要做手術。
就咁去睇物理治療師倒不如睇一次專科，斷咗症都知做乜嘢最啱。話得說回來，物理治療師憑經驗同測試方法都估到9成係乜嘢事，事實上，英超球隊啲軍醫大部份是物理治療師而不是醫生。不過始終佢地唔係醫生，斷症都係交畀專科醫生好啲。
唔好畀上面啲嘢嚇親，畢竟單憑你話唔可以完全屈膝，係唔會知你有乜嘢事，可能只係扭親，而滕頭哥因為走路關係不能不用，所以康復期較長。無論如何，為了你將來可以重返綠茵場上馳俜，我強烈建議你去睇骨科醫生。


2007-01-04 12:07:20 補充：
我完全不能認同直接找物理冶療師(PT)的論調(你另外擺在別處同一條問題之部分回應)，骨科醫生同PT各司其職，誰也不能取代誰的工作。

2007-01-04 12:10:57 補充：
我條ACL斷咗都係由骨醫診斷出來(無須照MRI)，用手法三分鐘內得知。我嘅PT朋友都check唔到。

我提你照磁力共震，睇下d根同靭帶有沒事，但你如果屈唔到，應該會照到，然後再睇醫生，但好番之後一定踢到波。