運動與健康????

如果一架車開得好快，突然之間要架車停係度，咁對架車的機件都唔好，成日咁樣，會好快壞（例如皮帶，輪胎，齒輪等），同理，你運動時，你的身體的各器官都一直在運轉中（例如心臟在快速的跳動），你人突然停，身體的各器官跟住突然間跟住”剎車”，咁你Ｄ器官就會好似上面講戈架車咁，好快玩完。
所以跑完步後要慢慢減速，再變成慢步，因為運動後慢步可以幫助身體放鬆（運動時身體的肌肉會崩緊，如果唔放鬆返，肌肉失去彈性，機能就會下降，仲會容易受傷），同等身體的各器官慢慢適應身體平靜下來的狀態。
同埋輕鬆咁行一圈，係唔會抖唔到氣，你覺得抖唔到氣，係因為身體為了產生能量，而需要用大量的氧氣來幫助生產能量，耗用體內的氧太多，為了補充氧氣，就會開始呼吸急速，當消耗的氧比吸收的氧多的時候，就會覺得抖唔到氣，係哩個時候，只要慢慢減低運動量，再步行一段時間，使心跳同呼吸慢慢下降，身體就會知道你要休息，而慢慢調節機能，使身體能夠慢慢恢復能量。

最好是步行一段時間, 好令心跳及呼吸回復正常.