LV銀包一問!!唔該

百蕙賣的袋是真的, 不過去百蕙買LV或GUCCI就要三思

7月份LV專門店Speedy30賣$4650, 百蕙賣$4980
現在歐元高企, LV加價後賣$4800, 相信百蕙現在唔只賣$4980

9月份曾回覆過一條有關水貨的問題, 當中曾提及過LV售賣權
水貨成本, 水貨店要賣幾錢先有賺, 詳細可以去呢度睇睇→ Click Here (當時LV己加價)

當你了解過後, 你就會發現除了專門店外, 冇一間商店可以直接入行貨
而水貨利潤其實係好微, 所以冇咩水貨店有去賣LV
變相只有百蕙獨市再賣貴多少去圖利

所以買LV, 如果要買全新, 去返專門店買啦

有關百蕙既惡行我已重複多次提及, 叫人唔好去買
你所買既M60930係專門店只售$2150
去歐洲買水貨返黎通常為左慳位上機所以在當地掉哂紙盒同紙袋
而冇塵袋既原因我估你呢個係5月前既舊貨版本未有塵袋

very useful information!

百蕙??係唔係響屯門葵芳都有分店果間呀?
門口仲要大大隻字寫明真材實料,唔怕貨比貨...
我都見過佢地有好多 GUCCI同LV賣,但正常佢地唔賣二手,佢地話賣水貨.
但就算水貨都一定有盒同防塵袋..
我諗你最好攞去二手店比佢地驗一驗貨....
同埋...好大機會係假嘅....下次小心D,記住去專門店買啦.唔係貴好多,但總算有保障.

百蕙係咩鋪頭???
$2780買一個lv銀包,如果係二手,就非常唔抵,仲要冇盒/冇(層)袋潻!
如果係我,我一定會去返專門店買。
我建議你,拎去二手店驗貨,如果係假既,你可叫去退番錢。如果係真,只可怪你買時唔睇清楚啦!

=Q=不是吧?!
百蕙係咩店牙?
基本上沒有可能沒有盒 如果是真的應該也會有盒吧?!
想問下妳個銀包係2手定1手?
如果覺得有咩問題 最好拿去米蘭站果D CHECK下
只怕萬一唔怕一萬...本人非常建議最好去專門店買!! 價錢不會差很多
貴個少少 買個保證都好的!!