其實你地d女仔想要d乜?

乜你唔知咩? 女人唔開心發脾氣果陣係大晒架嘛!! (我都係男仔.......)

你應該要搵出佢因乜事唔開心, 如果佢係發你脾氣, 咁你就梗係要知自己衰邊瓣啦~~ 再對正下藥, 至於點落藥、落咩藥, 當然要由老兄你自己深究一下, 求其講d野諗住叉開話題、耍太極, 我可以話你知係冇用既, 佢只會更加唔想聽到你把聲...... 如果真係你衰既話, 一個方法 ------ 認!!! 但認得黎要俾少少誠意, 唔好齋talk

如果係因為外來因素如工作、家庭、又或者煩緊某d野, 由得佢「伸」, 由得佢發洩, 屈埋屈埋仲死多幾錢重, 某程度上, 佢肯講野好過粒聲唔出, 就算淨係佢講晒都得, 你負責聽就可以喇, 但間唔中都要俾少少意見佢噃, 要扮下有見地咁啦......

有時如果真係氹唔到, 我會選擇唔Q理佢, 由得佢發飽先算, 反正你講乜, 佢都係當你耳邊風, 由得佢靜下, 可能會有少少幫助!!

老友, 我都知你煩d乜, 呢d事間唔中都會發生架喇, 不過記住一樣, 就算佢語氣真係好差, 好似想搵交嗌咁, 你都唔可以撐到咁衡, 就到既話盡量就, 如果唔係, 幾樣野加埋一齊嬲, 到時真係開拖都有之

我唔係女仔, 但都想幫下你, 反正你問女仔, 佢地都未必識答你..........!!!

究竟佢係咪真是鐘意你架,如果她真心愛你,冇理由會咁對你架窩

個女仔唔係唔開心呀
你女友會唔會m到呀
發皮4好正常呀
駛鬼咁緊張咩傻豬仔
佢地m痛就唔想講野架啦就話有野諗
你自己都唔好想太多了
重有你話佢唔開心先係咁
會唔會一個月有一次會係唔開心呀
自己諗諗啦