林子祥 - 「數字人生」歌詞有咩意思？

我覺得首歌講人一生係離唔開數字,數字變幻莫測,而且令人費盡心機亦摸唔透,詞中舉出例子:
「明明刨正23　為何彈出41 誰人能夠預知」係賭馬個時買頭馬2號第二係3,但結果完全唔同. 另外「4點34價位暴升變左1004 」即係股市度見到4點o既價由34暴升至1004,兩個例子可見數字係變幻莫測,無人能夠掌握得到

詞中最精境幾句「憑號碼來認識　你的IQ 你的身家　你的體魄　你的一切 人與數字有許多怪事 看看計數機裡幽禁幾多人質」見得出人人都會畢盡一生去與數字「遊戲」以致「搏鬥」,但係好多人都逃唔過被數字「玩弄」o既命運,最後就導致失敗或成功o既原因,呼應上面賭馬同炒股票o既例子,即進行這些與數字有關o既活動會招致一生最大o既損失或得益

而詞中多個數字組合可見人與數字o既關係係甚有淵源、無窮無盡,一生都係數字,而且重重覆覆,千絲萬縷,無法計算,而詞末巧用「4」字,帶出人最後都逃唔過死,最重要係將數字一生做得積極、風光


片段:
http://www.youtube.com/watch?v=dJgB8EHbrvM
(題外話:由林子祥唱o既數字人生已經係男歌手係廣東歌入面最高key o既歌,尤其首歌基本上用真音唱唔係假音,而且首歌唱到數字極之快同好難掌握運氣,相信無乜人可以唱度呢首歌同阿Lam一樣咁勁!)

我諗意思係話人既一生都同數字有關, 錢、年齡、身高體重等等......就係咁簡單......

2006-12-30 02:14:01 補充：
諗諗下, 人生中真係離唔開數字噃..... @.@