如何自己設計紀念冊個cover

f. 5 唔係好唔得閒o既o羊﹗？

不過…好難得喎﹗自己整紀念冊，真的很有心機。

你其實可以從幾方面考慮紀念冊的設計：
1. 紙質要較厚。如有圖畫紙質的 ，或淺色色紙的，總之有特色，唔普通。可以無間線，變化會較多。

2. 入正題…封面。你叻唔叻畫圖丫？？有無考慮下自己畫d圖咁呀？？
不過…我唔主張封面畫圖。可以諗下包布，有些有特色的動物紋…毛毛布，手感唔錯。或者做些簡單的剪紙。或是貼張自己的相片，等人一眼就知紀念冊的主人。如果本紀念冊個封面係厚卡，可以界個開孔，入面第一頁先貼相，咁就好似個小相框咁。

除了考慮個封面之外，可以考慮下設計埋個紀念冊套丫。一套入起晒，好warm咁，又可以整份留起十年八載。我估你係女生啦…（因為會自己設計紀念冊嘛），咁…應該識d縫紉家政吧﹗？車個小袋仔。

解釋下點解唔建議封面畫圖。原因有三：一、畫得好就當然好啦，畫得唔好就會失色左d。二、即便畫得好好…但你要考慮番o個個係封面，平時會用手拿、放在袋中跟其他書本摩擦，給同學後同學也要打開放在枱上寫，個封面畫圖的話好易變矇、變dirty。三、就是建議畫圖畫在內頁。

3. 紀念冊除了有封面之外，更有內文，包括了個人簡介、相片、圖畫、手作，跟同學的留言。我覺得你自己的那part可發揮的空間不少。相片啦…小手作…畫圖…文字。譬如現在就咁想到的就有…會彈起的自己（即好似d聖誕卡咁…有機關，一開個公仔會彈起。咁就好似你welcome緊班同學仔 咁。）


嘩…講左好多喇﹗﹗其實可以諗的仲有好多o既。不過你又唔駛諗到好複雜。紀念冊呢家野…都係以人為本o既o者，其實平平淡淡的一本冊子，有真情對話的留言就已經很寶貴。但真係要諗效果的話，咪去下citysuper、log on等鋪頭望望人地d卡、d書仔有乜設計、效果咁o羅。

超好~good