請大家幫幫我，唔該！ (下集)

但係，當我問佢關於"一年前問過我，可唔可以同佢一齊"o既事，佢就話過o左去就算啦。 唔知點解，有陣時我都好想同佢一齊，但我知自己唔係基(我估我自己都變o左，可能係Bisexual掛，其實我對同性戀冇乜感覺，唔會歧視人o地)，佢好關心我，我都覺得好感動，佢俾到我好似我以前同女朋友拍拖o既感覺，呢種感覺好怪。 我自己都好無奈，究竟我係唔係鍾意o左佢......但係佢又叫我介紹女仔俾佢識，因為佢家人想佢拍拖，我估可能佢想向佢家人掩飾。有陣時，我都唔知佢諗乜，又叫我唔好諗咁多，只要大家一齊開心就得啦。我試過拖佢隻手，俾佢拒絕o左，知佢面對屋企人都好大壓力，但係我想知道答案。
我想問大家：
佢對我感覺係點？ 究竟我係唔係鍾意o左佢？如果我向佢表白，結果會點？ 如果主角係你，你會點做？ 同埋你o地對呢件事，有乜其他睇法？

我真係好辛苦，希望你o地可以幫o下我，唔該哂！！