請大家幫幫我，唔該！ (上集)

最近，我 (我係男仔)識o左一個男仔(佢比較似女仔性格) ，同佢真係好Friend，我o地成日一齊出街，傾電話，又send SMS！我o地對雙方都十分好，都好關心對方。 其實，佢曾經講過幾次佢鍾意我，我都冇俾咩反應佢。佢又會同我講晚晚發夢都見到我，又話見唔到我會好掛住我。我曾經問過佢係唔係基，佢又話唔係，但係佢成日都好關心我，真係好緊張我。我亦都同我其他Friend傾過，佢o地話佢驚如果佢話佢自己係基，我會唔理佢。 佢曾經同我暗示過佢係基，冇直接承認過，但係唔知點解對佢同我講呢o的o野，真係冇乜感覺，淨係覺得好搞笑，傻傻地o甘，所以冇俾咩反應佢！有陣時，我想離開佢，唔想再一齊玩，因為我o地開始俾人唔會，但係我諗諗o下會好唔開心，曾經試過喊，同埋好辛苦。我試過好多次想離開佢，我自己都痛苦，問自己點解要咁做，佢都知道我想離開佢，佢都講過唔好咁對佢，佢仲曾經喊。 我曾經問佢係唔係基，點解你會晚晚發夢都見到我，又話見唔到我會好掛住我，佢話佢自己唔係基，又話自己都唔知自己會o甘，連佢家人問過佢係唔係基，佢一定話唔係！(佢自己話俾我知) 但係佢曾經起一年前問過我，可唔可以同佢一齊，我冇答佢。