我想知斬波點斬起個波

你試試將射波(腳面中間)和掃把腳踼波的位置連成一直線,試用這直線的中間位斬波,仲要利用腰力把上身傾後,o甘應該可以。

根據本人在 http://hk.knowledge.yahoo.com/question/?qid=7006121004941的最佳回答:

腰力指利用位於脊椎骨兩邊一左一右兩條大的肌肉。

射波要用埋腰力先至夠大力?分兩種情況，(一)你要拗腰先射到個波嗰啲，梗係用腰力，側身(斜身，啲人讀咗車身)窩利唔用腰力唔得。(二)個波喺你正前 方，你要怒射，你當然要沈腰、拉弓，正腳背勁「扳」。喺喱種情況，只係收緊腹肌、腰部同下身肌肉，唔係好用到腰力。除非你好似少林足球，原地跳起720度 轉體踢埋去。但話得說回來，射波係要全身肌肉協調，你綳緊肌肉都係用緊力，你唔覺跑玩100公尺，你手會攰嘅咩？

踢波落上旋

急墜嘅波其實帶上旋，一般係射罰球同窩利(或半窩利)可以射到。

如果係射罰球，一定係側上旋。腳內側射香蕉型好多人都會，但係用腳扯上旋係高難度，你如果知道網球同乒乓波開波點樣開強力上旋，就知道要用塊拍(足球係用 boot)包「冚」哂個波然後磨擦，所以你出腳不止chok個波嘅側面，更要利用鞋面係波嘅上面chok，嘩！高難度囉。上旋嘅特性係急勁，最攞命係沈得 快。

你試吓唔好淨係chok側邊，試吓用腳內側包多啲波嘅側上方。 你留意碧咸射罰球，佢接觸波嗰下同佢follow through嗰下就知咩嘢事。

窩利(或半窩利)時，個身唔好仰後，波要滴埋身啲，然後窩利，接觸球時 make sure腳趾是指向地，腳背面食應個波，用腳面舊骨捻個波中上方唔好畀佢飛街，出腳後腳趾仍然指向地，射出嘅一定係曲墜嘅世界波。

要射到好大力又唔會飛機..要射個波既邊度呢同埋用隻腳既邊度??

曉射勁波嘅人最大煩惱係撳個波，唔係撳唔低就撳死咗。抽高打 飛機最易。

射勁波要靠大腿同小腿肌肉嘅爆炸力(同肌肉內fast fibre有關)同埋協調性，呢個係最基本。射波助跑唔好左搖右擺 (有啲人助跑如撑艇，可能慣咗短跑起步)，射勁波幾時都係沈腰、拉盡弓，腳背面「銀」埋去。

射波要用正腳背，鞋帶結低少少個位「銀」埋去，高中低波嘅分別就係腳背觸球時腳背同波嘅角度:
若果係咁:- O╲ ，就射地波；咁: O│ ，就射中腰波; 咁: O／，就射高波。注意個角度冇圖示咁誇張，但觸球點一定要正腳背，因為嗰度有舊骨，最硬。

無論射高中低波嘅姿勢都一樣，助跑、沈腰、拉弓同腳背「銀」。差別係腳背角度，嗰種係種微妙嘅感覺，練得多就領會到。

操由腰開始嘅下半身所有肌肉，最好做gym，問trainer點做可以提升肌肉嘅爆炸力，咁你射波就彭彭聲。

參考資料:

http://hk.knowledge.yahoo.com/question/?qid=7006121004941

你只要用盡全力向波底踢落去,好似篤波咁,不過係抄波底

個身仰後, 重心腳放係個波側邊後少少,
跟住將射波腳的腳內側掘落波底,
隻腳之後一定要向上, 好似兜起個波咁
總之,"工多藝熟".
再唔得就"篤"啦, 反正有時"篤"波都可以篤到好遠~

要將隻腳sip落波罅度，就可以斬起個波架o勒！