荃灣區有什麼律師做二手樓宇買賣收費較便宜?

你去南豐中心(近地鐵)，果度有一棟寫字樓，你睇下d水牌，都有好幾間律師行，你可以去睇一睇，基本上，荃灣區既律師收費應該會平過港島區。

一般二手樓宇買賣，
如果律師樓代表你做賣出，收費應該3500-5000另加雜費，通常包做贖契、正式買賣合約、樓契。雜費指查冊費、贖樓登記費用、影印、車費、補契(如果你物業d契唔齊，就有需要補契，一般補一份契需要300左右。)---但要留意律師樓是否可以做到贖樓契，因為唔係所有律師樓都可以做所有銀行既文件，如果律師樓做唔到贖樓契，咁又要預備另一筆律師費，大概2000-2500作為贖樓律師費。

如果律師樓代表你做買出，收費應該4000-6000另加雜費，通常包做正式買賣合約、樓契、按揭。雜費指查冊費、買賣合約同埋樓契既登記費用、賣方既破產查冊費用、影印、車費、厘印費(即物業印花稅)----- 但要留意律師樓是否可以做到按揭契，因為唔係所有律師樓都可以做所有銀行既文件，如果律師樓做唔到按揭契，咁又要預備另一筆律師費，大概3000-5000作為按揭律師費。

*** 一般來說，如果樓低過一百萬，買賣合約印花稅為100, 另加樓契固定印花稅100，
但如果超過一百萬，你可以去稅局呢個網址http://www.ird.gov.hk/chi/ese/sd_comp/csdpt.htm，輸入樓價，即可計出印花稅，記住要另加樓契固定印花稅100呀！

我最近由地產介紹，喺南豐中心18樓一間律師樓做，情況如下(自己衡量好與壞)：
1. 比曬尾數業主，業主將鎖匙放喺律師度，點知律師要我地去屯門攞(我地唯有叫地產去攞)
2. 因為我係做95按揭，之前比左1成業主，尾數比曬後，應該有5%through律師攞番，點知過左兩日都未過數(話曬都11萬)
3. 簽最後文件，係我地搵佢，佢先至約我地，預3日，佢地3日都唔得，話要見客
4. 我地向地產反映，佢地都冇改善
5. 而價錢係6,500
各位自己比較吓啦

沒有話邊間收費較便宜的，因為有很多是政府要收你的稅項，如查冊費，破產查冊費等等，不是律師樓賺你.
我之前用過南豐中心十八樓的王潘律師樓，你可以打去問問.

以我所知，業主賣樓一般較平，因為政府所以稅項比較少，3500蚊左右.
若以買方計，律師樓一般都只會賺按揭契的收費，買家6000蚊樓下應該搞掂.