唉....唔知點做好!!!

見你依家咁慌失失，你都應該唔想任何人知你鍾意果個男仔吧？
依家個情況係你個ＦＤ爆話有人鍾意個男仔，但係冇爆埋你個名出黎？
（如果唔係就要講得清楚Ｄ喔）
現時行動：既然依家大家都未知，建議你扮冇野，入埋去一齊討論。
既然唔想人知，當人地係咁估果陣，當然都係扮得自然Ｄ，最厲害就係混埋入去討論埋一份，一來唔會咁易惹人懷疑（個個都傾，係你冇反應，反而仲明顯），二來係佢地討論其間可能會收到更多風，分分鐘知道其他你未知既追求者，甚至個男仔鍾意邊個。總之唔好驚青，唔好成日凝住佢會知，自然Ｄ喔。
個男仔知道後的應付方法：等佢做主動，靜觀其變。
如果佢真係知道左，你都應該唔好做任何表示。一段感情既開始係由雙方兩情相悅而來既，如果佢都對你有意思既，佢自然會主動搵你，主動接觸你（因為佢知你對佢有意，自然會放膽）；如果佢對你冇感覺既，佢唔會對你有咩表示，而你都唔駛有咩動作，因為時間會培養出感情，可能依家時機未到，所以先暫時未有ＦＥＥＬ喇。如果佢對你係冇感覺既，你都唔會去主動追佢吧（畢竟女方都要矜持，而且都冇咁大膽。如果佢係Ｄ受歡迎既男仔，你主動追佢只會好辛苦）
醒你十二個字：靜觀其變，處變不驚，以靜制動。
＊＊有咩野我誤會左既可以補充，我可以再分析。

2006-12-31 12:31:10 補充：
如果佢真係扮唔知，咁都冇辦法，因為你始終唔知個事實係咪真係咁，你做主動先而佢又唔係，咁樣又唔多好；男仔始終都係大膽ｄ既，你都係等佢吧！如果佢依家都仲鍾意緊之前佢鍾意果個，咁你唯有等佢放棄佢，又或者多ｄ同佢接觸，同佢混熟少少，ｓｈｏｗ你既優點俾佢睇喇。因為我始終唔建議你做主動，費事俾人閒言閒語（開埋討論區，真係得人驚）。

如果佢知 首先打聽他有冇女朋友1.向他的朋友打聽
2.借個話題問下你鐘意左個男仔
然後打聽他鐘唔鐘意你
若都冇問題 向他表白
加油^^我支持你呀

你可以扮唔知，join個論壇(because都冇人知係who鐘意左個男仔)