✔ 最佳答案
咦，這個情況都幾值得我朋友參考，佢人工差不多是你 2 倍，但大洗到一個月 $1,000 都儲唔到，我反而好有興趣想聽聽你是怎樣可以儲到人工的 75% 架呢？搭車、食飯方面點用錢架？如果你有時間、也願意打字的話，我想知道你的方法，等我將你教的野，quote 比我朋友睇，叫佢去學、借下鏡都好。
依家市面上很多月供基金計劃，年期最短為 5 年，最長為30 年。每月最低投資額就是 $1,200 左右。所以，你每月投資的 $3,000 已經好夠。而且為了靈活性的原故，這些月供基金計劃已經發展到有以下的特性：
1.頭 18 個月的供款是要期滿先囉得
2. 第 19 個月~期滿供的錢可以隨時囉
3. 第 19 個月或之後，可隨時加每月的投資額
4. 第 19 個月或之後，可隨時減每月的投資額
5. 第 19 個月或之後，可以囉保費假期唔供都得
因為你依家可能每月投資 $3,000，但可能 2 年後識到女朋友，到時候花費大了，可能每月的投資額由 $3,000 減到 $2,000。又或者可能拍拖 4 年，要結婚啦，就可以從基金戶口中停供，而又在計劃中囉 d 錢 for 買樓首期、結婚用途都好。而月供基金計劃通常都有靈活性的。
年期 / 回報方面。Um，以一個均衡的回報率黎計。大概 8 年就有 2 倍；12 年就有 2.8 倍；20 年就有 5.6 倍；25 年就有 8.6 倍。當你 8 年，即是 $3,000 X 8 年 X 12 個月 X 2 倍，即把 $288,000 增長為 $576,000。
基金的風險與回報方面，大概是這樣的：
低風險程度 3~7% 回報一年
中風險程度 8~12% 回報一年
進取風險程度 12%以上回報一年
通常後生承受風險可以很高，例如我朋友佢都買 d 很勁的基金組合，近呢 3 個月都整體賺了 12%，這都難怪的，今年好多野都升得好好。但下年度的情況與今年不同，雖然話承受風險能力高，但當然唔好高位買無耐即大跌。雖然有平均成本法，買升又買跌……
Um，講住咁多，仲有無其他疑問呢？
最後，我都好有興趣想知道你是怎樣可以每個月都儲到大部份人工架呢？7,000 一個月要每月 keep 住儲 3,000 都唔係易……Anyway，節儉是美德，祝君好。
