✔ 最佳答案
一枝枝果d甜忌廉, 係用黎做 dessert topping。例如唧係雪糕上面,或者切左件蛋糕唧d係旁邊做裝飾,也可用來做liquor coffee,所以冇咁挺,唔係要黎搽蛋糕的。會好快變到水汪汪。香係因為平時蛋糕店個d加左雲哩拿香油。沖咖啡奶茶果d係coffee cream 或 single cream。Whipping cream 同 double cream 係打得起的,如果你要做蛋糕個種,以下係我做搽蛋糕既甜忌廉的方法。如你鐘意雲哩拿香味,雲哩拿香油可再加少少。最好用電動打蛋器,用手打真係打到手抽根
做蛋糕的忌廉可用淡忌廉(whipping cream) 或重忌廉(Double Cream / Heavy Cream) 。做蛋糕忌廉是要用打蛋器發起的。先肯定載忌廉的盆及發蛋機乾淨, 要一滴油和水都冇。先把忌廉和準備打忌廉的盆放進雪柜雪凍,打時用冰坐著(更容易打起),加糖打至企身(比例是250ml忌廉+約2湯匙糖),可打至一半時試一試甜味,如不夠可再加糖。可加入少許雲喱那香油(約大半茶匙)打會更香。用電動打蛋器打會易打很多的。打至看見忌廉呈現稍實的狀態, 關機並將忌廉拉起時會看到一團很挺的忌廉黏著攪拌棒便可。打得太硬會很難搽上蛋榚的。用剩的忌廉可放回雪柜約2星期,如用UHT的可放1個月左右,可檢查包裝上的expiry date。
希望可以解答哂你既問題啦!