有關股票的問題~望高人回覆!!

條問題好長喎..
1. 股票價格每日隨著不同的市場消息而有所變化，你所指的身家清袋好可能係認股權証，每日變化閒閒地三四成都得0架。
2. 睇你係抽新股定係市場上買啦，白表抽新股就要先去銀行開支票戶口(當然你可以次次買銀行本票)，而買賣股票就要去銀行或證券行開證券戶口先。
3. 成本視乎你隻股票幾錢啦，計算方法：股價 x 每手股數 + 佣金(每間不同) + 證監會交易徵費 (交易成本 0.004%) + 港交所交易費 (交易成本 0.005%) + 印花稅 (每1,000 港元交易額徵收費為$1港元 (以整數1港元計算))
4. 白表抽新股 - 可存入銀行或證券行然後沽出，需時兩星期左右，部分證券行有提供即沽服務；黃表抽新股或市場買入股票 - 直接於銀行或證券行沽出
5. 通常散戶無呢件事，因為個人去銀行買賣外幣差價比基金大戶闊很多，而且有咁"筍"銀行自己已經賺左。
6. 同上。
7. 視乎個別公司政策同盈利狀況，例如地鐵(0066)平均每半年派，中電(0002)平均每季派等。
8. 無咩錢既定義係咩？仲有好睇你的承受風險能力，即係所謂輸唔輸得起。股票買賣有賺有蝕，買之前先去看看新聞同公司資料，或者玩下模擬股票買賣吸收一些經驗會較好。

政府有個網站認識股票市場：http://www.invested.hk/invested/html/TC/index.htm
Good Luck!

你唔識就唔好玩,今天的股票與賭無異,像馬仔有十幾隻,股票常常玩的有過百隻,通常藍籌股都較隱定上落都唔會太快,派息通常一年兩次,有D無息派,有D一年派4次息,交易過數一般T+2,即兩日後,你去銀行或股票行開戶問問,每間都唔同收費