電影俠影魔龍(Eragon)劇情和原著有甚麼分別?

好大分別
小說直到布朗姆死之前都係以追擊洛魔(電影中稱為屍妖)為主線,電影就係布朗姆直接帶伊拉岡去維登...
電影講到伊拉岡唔聽人勸去救女主角結果布朗姆死左,其實小說中只係無意見到順便救埋.陰魂人(邪靈師)亦都冇利用女主角向伊拉岡救命呢一話.布朗姆既死係第二單野.電影中既伊拉岡自負好多.呢一點我最唔鐘意
維登個邊亦都好唔同.維登既city係同宏偉既矮人地下城相連,電影就搞到好似個山寨咁...小說中思飛只係最後一刻噴左一野火.電影就噴足全場......咁勁重駛咩打阿?
當然,占卜,貓人等等既part都係唔見左,我好好奇佢會點發展落去
小說中貓人就比左個重要提示比伊拉岡:
當你失去武器既時候,就去米諾樹下找(第二部會出現),當你失去力量時,就去xxx的墓棺,喊出自己的名字(未出現地點)
而第二部中,伊拉岡既寶劍就比馬泰格搶左,99%會係第三部入面去米諾樹下搵到新武器,而個墓棺個人認為會藏有先代龍騎士既力量(eg.史上第一個龍騎士伊拉岡既力量)
伊拉岡既戀愛似乎發展得太快~"~....小說入面精靈女主角都重係對伊拉岡好cool
總之有好多唔同,想知道既話借/買番本小說睇最好
ps.根本就冇『人龍合一』呢樣野= =只不過係思飛將伊拉岡既靈魂抽離.佢既視點會同思飛一樣,而唔係電影咁可以自由轉動