唔明佛教做乜

1. 佛教當然就是信佛啦。但同其他教的信有些不同，佛陀要人信佛是基於正確的信，不要盲目的信，佛陀講了好多道理，佛陀叫人要試吓佢所講的道理是不是對，若是才好信，佢話要好似試金咁去試佢講既說話，亦叫弟子就算聽了三藏大長老兼有名聲的長老所說的道理，佛弟子都吾好即刻去信。
所以正確的信佛就是聽了乜人講關於佛法，都要想一想，試一試，對的才信。因此就不是信左做乜，而是試吓去做，做了證明那道理沒錯，才信。

2. 佛教夠理性，佛陀又心胸廣大，正確認識佛教就少了一大堆疑問及煩惱，佛教有方法教人逐步改善自己，改善他人，吾似得一些教徒講一套做一套。

3. 無留意的人就吾覺佛教的人傳教。佛教徒吾會企街傳教，這是事實，也不會特別向人聲明自己是佛教徒。
就是信佛要講因緣，與佛有緣的總會遇到那個緣的，與佛此生無緣的，在佛教理論中還有好多生，今生無緣來生或有緣，吾似其他教說只有今生，今生不信就落地獄，佛教說六度眾生一日未證果，就在六道輪迴，今生無緣還有大把生去積佛緣的，故佛教徒就好少企街傳教。多數就係那些人自己去佛教道塲學佛的。
又不得不提一提佛教慈濟功德會，事關連回教徒都會禮敬證嚴法師，就是因為佛教徒幫人時不會有要求。
佛教徒無企街傳教，但佛教徒是有傳教的，否則佛教點會傳遍世界各地？

我諗題主你誤會左回答者的意思，他們的意思是部份基督教徒逼人地信教，不是基督教逼人信教！同埋逼人信既多數係基督教徒，唔係天主教徒，里個你要分清楚，不要把天主與基督混埋一談!

正如上面嗰位人兄咁,,我都係冇信佛教,,但係我對佛學比較有興趣,不過小弟對佛教未有深入研究,,只能發表一下意見,,如有錯誤,,敬請原諒,,謝謝!
　　
　　首先，佛教係唔係宗教有過爭議，我就覺得佛教係研究佛學，我曾經以為人地信佛係好似基督教咁信有個神(耶穌)喺度，但係原來唔係～～一切眾生皆有佛性，釋迦牟尼可以成佛，你都可以成佛，而「成佛」係明白宇宙真理、「覺悟」嘅意思，但係小弟資質愚笨，未知何為宇宙真理，但我猜想所謂成佛就好似道家莊子話「天地與我並生，萬物與我為一 」嘅境界咁，到時明白人點解要生存喺呢個世上就係最基本，亦無須信神，唔使好似基督、天主教咁成日搵啲野黎證明神嘅存在。
　　至於點解信佛教，我舉個例子，我曾經聽過個電台節目，個主持話佢去過葡萄牙(傳統天主教國家)，有人認識咗佛教後，改信咗佛教，佢地話佛教好logical。呢啲係其中一啲原因。
　　「點解好少見佛教ｇｅ人傳教？」我覺得係可能係佛教嘅人鍾意講緣份～～好似宇宙點樣黎，佢地話係「因緣和合」，所以唔會勉強你信；至於基督、天主教，可能佢地覺得呢個世界係有末世，信者得救，所以成日傳道。
　

佛教故名思義基本上係信佛,
而佛既種類好多,常見的有阿彌陀佛/釋迦牟尼佛
而要做的是修行,去悟道,讀佛經,打坐等等
目的是自己也成佛,成佛目的是不用輪迴