✔ 最佳答案
我都係一個人住, 養左隻狗女都有2年多喇.
初初我都攪唔掂, 返到屋企發現周圍都係大小便, 好恐怖.
加上o個陣用報紙, 其實真係好污糟, 踏到周圍都係.
之後我用左個狗廁所之後, 情況就好左喇.
狗廁所下面放尿墊, 吸水又吸味.
每朝起身返工前, 我一定會帶佢去toilet, 叫佢"殊殊",
等到佢痾到先俾佢落返黎, 再"good girl" 佢, +/-獎野俾佢食.
放工之後又係第一時間帶佢去toilet, 做同樣既野,
之後臨訓再去一次.
一日train3次, ~1 wk, 佢好快就知o個度係去廁所既地方,
同埋"殊殊"點解.
不過記得佢地都好鍾意乾淨, 如果有屎屎在廁所上, 佢地唔會再去第二次,
要即刻清理左佢先得.
仲有, 你平時係咪就噤放d糧o向度? 如果佢係食冇定時的話, 即係說佢去廁所既時間都會唔定時. 可以的話定時俾佢食, 定時叫佢去toilet, 就會易掌握d.
狗狗仲係bb既時候真係麻煩d, 因為一日食幾餐, 去幾次toilet; 但係大個左, 一日一餐, 一日去2-3次toilet, 噤就易攪好多.
我自己就冇困住佢, 因為覺得噤樣好慘, 除左房門會關晒之外, 其他地方都係隨便佢走的. 佢都算乖, 冇攪攪陣, 不過當然平時放o向地下既野, 都要小心安置, 好似鞋呀, 雜誌等. 希望幫到你.