同個男仔出左兩次街就kiss...(15點)

或者你真係入世未深。你同佢開始左應該唔會好耐(出左兩次街而已)，但係佢已經迫你拖手，強吻，甚至摸身摸勢，簡直係禽獸！你講到話你因為自己冇男友所以先同佢出街，咁即係你同佢可能未係確定左既男女朋友添啦！兩者只係朋友，但係就做埋ｄ咁既野，佢好過分。
佢拖你隻手果陣，佢講：「你咁快就俾我拖住啦？」明眼人一睇就知佢根本存心當你係佢既目標，拖手只係佢既第一步，佢咁講仲有踩低你，暗指你冇矜持既意思。
正常即使係男女朋友，如果大家心態都係健康既，根本就唔會當街當巷攬攬鍚鍚，更加唔會上下其手，佢咁做我絕對認為佢係存心非禮你，滿足佢個人既慾望！
第一、佢冇問過你既意見；第二、佢咁做令你反感；第三、佢既行徑涉及女性既重要部位。
只係呢三點，已經絕對足夠你告佢非禮！同埋我強烈建議你告佢，因為佢欺騙你對佢既信任，佢只係你既同學身分就如此放肆，難保日後仲會有幾多人受害，所以我建議你報警／話俾屋企人聽。
老實講，當初佢強吻你果陣，你咁弱小你真係做唔到ｄ乜，所以一係就當時警告佢再咁做你會點（例如報警），一係就直接報警。
假若係街邊，俾一個陌生人咁對你你一定會報警，就算佢係同學又有咩分別？佢利用呢個身分去侮辱你，你一定要出聲架！
正常黎講，拍拖果陣吻或者係擁抱係可以既，但係要雙方同意！從你既例子，你好明顯有掙扎，你唔鍾意，但佢置之不理，咁已經唔係有冇情調既問題，而係佢存心非禮。
其實身為女仔，唔可能單獨同一個男仔出街（除非佢係你男友），因為你唔知佢會點對你，唔知中途有咩變故，加上女仔反抗能力低，好易出事，所以你同佢單獨睇戲已經好錯（何況戲院咁黑，佢為所欲為果陣你又唔敢出聲。）何況你睇既係恐怖片，你突然捉住佢，身為一個有風度既男仔都會知你係因為驚先捉佢，佢冇理由得寸進尺。
＊＊我唔係講笑，我身為男仔都想為你抱不平。你依家要做既唔係分唔分手既問題，而係要同警察講果日發生既事，同屋企人講你既經歷，由警察去作出判斷。唔好因為佢係你同學就放過佢，因為學你話齋，你仲要對多佢半年，但係佢既心態，你會好唔安全囉。
以上係我對你既忠告，或者你會覺得報警好嚴重．但係佢對你做出咁既野仲嚴重囉！

我就覺得一早就應該分手la!!!
一:你唔分手....佢就會繼續咁樣錫你強抱你...
二:唔係拒絕他的要求的...就無情調嫁嗎!!你係對佢冇安全感...你先拒絕
三:你o係學校見到佢...咁咪當佢透明lo...

佢連我這種那麼正經的女仔都敢呃 ????????????
你唔好咁天真啦...呃你咪呃你囉...這不是呃...簡直係非禮啦...報警拉佢呀.......

告訴你哦，如果佢真係中意你既話，你唔中意咁樣，佢就唔會亂黎
佢會愛護你，而家咁樣，我唔覺得佢對你好，還對你上下其手
我覺得咁樣有Ｄ問題，(我想你也覺得這樣有問題吧？)所以我覺得佢唔係真係中意你
你同佢分手啦！我覺得呢Ｄ咁既人遲早會出賣你！
因為我都試過咁樣，到最後，只丟下我一個……好慘