男同女真係冇可能只係做知己??

其實我覺得都唔係架, 你諗下呢個世界上面, 一係就係男仔, 一係就係女仔.. 我覺得如果你地2個一齊既時候, 覺得舒服, 開心, 又可以傾到心事既話, 就已經係好好, 唔需要再理其他人諗咩架.. 係佢地唔明你地既關係.. 我覺得, 如果你地可以大家一齊去get over 左呢段時間, 可能你地既友誼仲會更加好.. 至於你個fd , 我覺得都唔需要理佢既, 把口係佢度,佢鍾意點講, 你都唔需要去理, 係佢地自己天真 我覺得男同女都可以做到好好既朋友, 做到知己既..

我自己都有一個好好既知己, 大家係真係可以好開心架, 因為佢係男仔, 有時你問佢意見, 佢都可以俾到好多你諗唔到既野你; 到佢問你意見既時候, 因為你係女仔, 諗野會細心好多, 可能都會幫到佢架.. 遲的仲可能有機會, 你幫佢搵到一個好好既女朋友, 佢又可以幫你搵到一個好好既男朋友架...

不過我覺得, 可能你地遲的對得耐的, 了解多的對方既時候, 可能真係會鍾意左大家, 不過咁樣咪仲好, 你地真係會好了解對方, 知道對方鍾意的咩, 唔鍾意的咩, 咁就可以大家去就下對方, 唔似得好多人, 一鍾意人就去拍拖, 到拍拖既時候, 先知道原來自己根本唔了解其他人, 又或者原來自己根本唔鍾意佢架..

希望你同既友誼會越黎越好啦.. 記住唔駛理其他人點諗架, 你覺得唔係, 就唔需要去理架. 你去理, 只會更加唔開心架 . :)

其實邊個話男同女唔可以做到朋友喎,,
不過係現今社會到男同女只要關係好少少d人就將佢地定義為男女朋友之嗎,,
男一定同男女一定同女,,錦全部學校分灑做男女校都得啦,,
之所以有男女校既出現都係因為要我地學識同異性溝通,,
但係溝通多d又唔代表要做男女朋友既,,
我都有唔少女性朋友,,同時都有唔少男性朋友,,

我相信佢(個女仔)錦做係認為你扣佢長腳(搶佢男朋友)

我個人認為男同女可以做到知已...
男+女≠男女朋友!

我同個男仔大家曾經鍾意過對方...(係小學個陣)
不過好快就冇feel...
e+ 我地兩個都讀緊F.2 ...
但係我地都keep 住msn...
係MSN...
我地互相讀下學校生活...
係學校煩惱ge 事...
甚至係1 d 唔可以同同學講ge 野...
但係我覺得我同佢ge 關系只係知已咁簡單...
並唔係BF / GF 個種~

講得冇錯.............................................................

首先我聲明先,我冇o羊男性朋友.
但我唔認同女仔就唔可以同男仔做到好好好朋友!!!
究竟係邊個黎決定男女之間就一定做唔到知己先!?
有時我反而覺得同男仔玩好過同金仔一齊,
起碼同男仔一齊唔會煩o羊是非先la.

我身邊有的，男同女可以係知己。大家各自有男女朋友。無事喎。
其實，可能係個女仔有點兒嫉妒您吧。可以同自己男朋友咁fd。
有時，男仔，係唔會同女朋友傾d同其他朋友傾開的話題。
如果個男仔係重朋友的，同朋友fd，不論男同女，係正常不過的事。
有樣野想講，男女之間的關係係好特別的，做朋友，定係做情人，有時想把握，都把握不到。
一男一女，係可以成為知已，不過，在成為知己的過程中，會經歷好多野。
看來，您地開始經歷了。
您對個佢無野便可，可必要理會別人怎說呢。

問你幾條問題
只要你決定到ge話你就會知自己有無需要唔再同個男仔一齊玩
你同個男仔係咪真係好朋友?
你介唔介意人地ge眼光?
介唔介意比人誤會?
最後一條問題係你信唔信自己個心?
如果你信自己個心ge話
咁就得la
繼續同佢玩la

邊個話男同女一齊玩就一定有路?
我成班兄弟一齊玩
咁咪要比人話我濫?
唔好理人點諗la
我唔信你啊媽會無一個曾經好熟ge男性朋友
個d話你ge人都係
佢地會唔會一個異性朋友都無?
男同男女同女一齊又唔比係同性戀者黎ge?

個男仔比個女仔飛都算係好采
一個唔信自己男朋友ge人
要黎都無用
早d飛唔洗浪費大家時間tim　ｌａ
你比呢篇野個男仔睇叫佢唔洗唔開心

條公式只有一ｄ無知﹑無聊﹑白痴ｇｅ人先會去介意
你要做一個無知ｇｅ人，定係做一個忠於友誼同自己個心ｇｅ人？