枝竹燜火腩

火腩定羊腩？火腩就好容易。火腩叫燒肉店切開，大細就你自已鐘意。用油起鑊，加薑，爆爆燒肉先，香喇，就加蠔油，糖，水，少少雞粉。加入技竹蓋炆一陣，滾起就落豆粉水收汁。最後就加蔥段炒炒上碟。

又可以做豆腐火腩啊，只係技竹變豆腐。但係炸豆腐就要特別小心。把豆腐對角切成三角形，燒紅鑊，要好紅。加點salt入油鑊，此做法是防止豆腐的水把熱油彈起。就半煎炸，炸完就照上面步驟，把技竹變炸豆腐就得。

材料
羊腩　　12兩
炸枝竹　2條
馬蹄　　10粒
冬菇　　8隻
薑　　　3塊
蔥　　　2條
蒜　　　5粒
南乳　　1塊
調味份量
老抽　　1湯匙
糖　　　1/2茶匙
生抽　　1/2茶匙
胡椒粉　少許


做法

羊腩出水後，洗淨斬件，炸枝竹分成段浸軟。
薑切片，馬蹄削皮拍扁；蔥切段，冬菇浸軟；蒜肉剁蓉。
燒熱二湯匙油爆香蒜茸及南乳，加入羊腩炒透，贊酒，用碟盛起，隔水蒸至略腍。
少許油爆香薑片、蔥段，將羊腩、枝竹、馬蹄、調味料及適量水分，轉放入煲仔中，用中火燜煮至腍及汁料收濃即可。