唔該各位幫幫手,解答穿耳問題!!

可能好多人都覺得穿耳後一定要好小心好小心，唔可以比佢掂到任何野（包括頭髮、手指），不過講真，我自己釘左咁多次，就真係覺得唔洗咁「小心」。

我唔知你穿既係耳仔既邊一個位，不過我諗你大多數都係穿左耳珠吧？因為好多人（包括我）都係第一次穿耳珠先的^^，我分幾個part同你講下：

敏感問題：
你話你尋日穿左耳，咁你尋日穿左之後覺唔覺得特別痛？（我指好持久好持久的痛）或者有冇流膿？如果冇的話，即係証明你隻耳仔唔係特別敏感既類型，咁你都唔洗咁擔心，個窿應該會好快成形！

除耳環問題：
好多人，包括幫你釘耳個個人，都會同你講釘左大約一個月後就可以除左隻耳環，換耳針，因為個個時候個窿已經開始成形，會比較易除同冇咁痛！但係其實從釘左個一刻開始，你已經可以除左隻耳環落離換耳針（不過一定要忍得痛先得^^），我試過釘左之後即換耳針，不過真係好難換的（對於唔係熟手既人），難既唔係在於你敢唔敢吉入去，而係你吉左入去之後，好難係後面搵返個窿比支耳針出返離！！而且耳針係膠造的（多數），會比耳環難吉好多，因為會「啜肉」，所以你可以搵返幫你穿耳個個人幫你換耳針，佢會有經驗好多，好過自己搞啦，我試過好多次自己換唔到搞到個窿埋左口，咁就白費心機家喇，ｓａｉ錢ｓａｉ時間ｓａｉ心機嘛～另外你可以買一ｄ銀針，因為會易吉好多，同埋唔係好貴家咋，我記得好似１０蚊左右有一支，好用過膠耳針好多～

藥水問題：
我覺得藥水唔係成日滴的，真係要滴既話就咁滴一滴已經ｏｋ，不過其實只要你沖涼個時洗下隻耳仔，同埋之後吹乾佢，保持佢乾淨，就唔洗日日滴，因為個ｄ係消毒藥水，有酒精成分，作用係殺菌，但滴得太多反而會好傷皮膚，所以唔好用太多。我自己覺得藥水其實冇咩用，因為講真，我唔係好覺滴左之後會真係好左，只係心理作用覺得安心，乾淨，但係滴得太多既話會令到耳仔既傷口埋唔到口，個窿成唔到形，到時仲煩。我自己冇用過藥水，ｄ窿一樣冇問題^^,,同埋發炎個陣用藥水都係冇乜用～所以藥水我覺得真係各方面都冇咩用。

發炎問題：
其實發炎係好普遍的，真係發炎既話都唔洗驚，唔好比流出離個ｄ血／膿嚇親，平時傷口都流過啦，係咪？^^,,如果發炎腫得唔係好勁既話，你可以滴下藥水，不過我個時就冇。我記得我發炎既時候我冇乜理到佢，只係日日沖涼個時都洗左佢，唔理佢一排（大約個半月到），佢就自己好返ｌｕ^^'　不過如果你見好耐都唔好，就要睇下醫生，除左可以有病之外，亦都可能係你隻耳仔唔適應，或者個個人釘錯位！意思就係指佢冇理到你隻耳仔係咪比較敏感個ｄ，釘左神經位，咁樣可以令到個傷口永遠都唔好～所以如果覺得唔對路都係ｃｈｅｃｋ下醫生好ｄ～

耳環問題：
有ｄ人既耳仔會比較麻煩，一定要戴純金／鈍銀既耳環，唔係既話會發炎，如果你發覺你隻耳仔發炎好長時間既話，你可以試下轉戴依類耳環，令佢唔再發炎～不過價錢方面就貴ｄ^^'

總括離講，唔好理隻耳仔太多～因為搞得佢太多反而唔好添！ａｎｙｗａｙ，我地要係耳仔上面加個窿喎～梗係要長時候比佢適應啦，時候方面因人而異，所以唔洗太擔心^^

2006-12-28 12:54:34 補充：
另外戒口方面，　我自己冇戒過口，　都冇問題　，但我唔排除有少部分既人會對食物敏感，令傷口發炎，但只係好少部分人，唔洗太過擔心，如果真係驚既話，可以　唔食蛋呀，牛肉呀之類既野，不過唔知要戒到幾時家嘛，咁難忍口^^' 所以你依家可以試下唔戒口，睇下有冇問題～　有問題先至唔食 ^^

3-4 星期通常都可以架啦~
之後可以更換耳環
這網有很多耳環出售~
http://hk.myblog.yah oo.com/ritahandycraf t

咁基本問題,點解間舖無話你知,又or點解唔問佢??

用黎穿耳用d耳環,並無"銀"or"silver"的.一般耳環最少要穿3-12weeks.視乎穿咩位置.

果枝係唔係護理耳水,如果係,一日兩次ok.大部份,靚耳水都會有instructions係個樽到.但有d係火酒成分好高,便不是用黎護理用.每種耳水的成分唔同,功效當然不同,如洗頭水一樣,用錯咗,反而會弄巧成拙.所以,最好就返去問清楚.想靚,唔好亂黎.

若穿耳珠戴一個月你可以轉耳環/耳針, 耳骨位要半年, 若果太快換怕會發炎. 有啲幫人穿耳既會叫人早晚滴, 但我建議你洗頭沖涼後滴, 因藥水既作用係消毒, 你幫自己清潔完咪幫耳仔清潔囉. 滴藥水最好滴多幾滴, 邊滴邊轉耳環, 等藥水可以流入耳針同耳洞殺菌消毒. 仲有千祈唔好成日用手去攪耳環, 驚你有細菌會發炎. 若果真係發炎, 就要放棄唔好戴耳環, 痛事小, 爛耳仔事大嘛. 因為有啲人好易發炎, 唔關清潔同耳環問題, 因本身個人問題. 無得勉強架.

我記得果D藥水日日都要滴嫁,,,
好似一個星期就可以除嫁啦!!!
唔好食鵝同雞蛋牙!